Igreja husu ba sarani hotu reza tersu iha uma durante fulan rozáriu

Arcebispo Metropolitanu Díli, Dom Virgílio do Carmo da Silva, husu ba sarani katolika iha Timor laran tomak, atu halo orasaun iha uma ka reza tersu, durante fulan rozáriu.

“Loron rua tan ita hahú tama ba fulan maio, ita nia Amu Papa fó apelu ida, hodi konvida sarani hotu, ne’ebé iha devosaun bo’ot ba Nain Feto liu-liu Timor-Leste, ho momentu espesial ida ne’e kada família atu reza tersu,” informa, Arsebispu Metropolitanu Díli, Arcebispo Metropolitanu Díli, Dom Virgílio do Carmo da Silva, iha Câmara Eclesiástica Lesidere Díli, Tresa (28/04/2020).

Dom Virgílio subliña, Na’in Feto hanesan padroeira uma kreda Timor-Leste nian, tamba ne’e sarani sira atu reza, hodi nune’e Nain Feto bele tahan Timor-oan hotu, husi buat hirak ne’ebé la espera.

“Lori igreza TL nian ha’u kordena ho Amu Bispu na’in rua, iha loron 1 to’o loron 31 fulan maio, hahú tuku 6 lorokraik oras TL, husi parokia, kapela no família hotu, atu reza tersu hamutuk iha situasaun COVID-19, nia laran mai ita hotu hamutuk hodi halo orasaun, ita mós iha situasaun ida ne’e atu husu Maromak nia tulun, liu husi na’in feto,” afirma, Arcebispo Metropolitanu Díli, Dom Virgílio do Carmo.Cin