JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kombate COVID-19 iha TL, Dom Virgílio husu ema hotu halakon interese grupu

Kombate COVID-19 iha TL, Dom Virgílio husu ema hotu halakon interese grupu

Archebispo Arquidiocese Metropolitano Díli, Dom Virgílio do Carmo da Silva, SDB, apela ba ema hotu atu halakon interese grupu no partidária, hodi kombate propagasaun COVID-19 iha Timor-Leste.

“Maun alin ho bin feton sira paskua ho pandemia liu-liu mai ita Timor-oan iha jesus moris hias  konvida ita hotu atu husik ita nia interrese pessoal, interrese grupu, interrese partidária hodi fó liman ba malu harii unidade hodi kombate vírus ida ne’e, inímigu invisível”, hateten Dom Virgílio do Carmo da Silva, SDB iha nia omília, durante selebrasaun misa Vigília Paskál iha Katedral, Díli Sábadu (11-04).

Archebispo ne’e, husu ema hotu atu labele pániku ho kazu pozitivu foun ba coronavírus ne’ebé Timor-Leste iha maibé nafatin tau konfiansa ba Governu hodi halo servisu ba kombate propagasaun  Covid-19.

“Basá uainhira ita hamutuk mak ita iha forsa no reziste atu bele povu santo maromak nianian iha rai lulik ida ne’e. No atu iha unidade presiza iha paz liu-liu tempu ne’e la’os pániku maibe tenki hakmatek. Mensajen jesus kristu nian mai ita momentu ne’e mak paz mai ita saran ba liurai feto dame na’in saran ba nia liman povu ida ne’e husi buat aat hotu”, deklara Amu Bispu.

Dom Virgílio mós konsidera ema hotu bele tauk iha situasaun ida agora, maibé labele tauk demais. Além de ne’e Archebispo mós husu ema hotu kontinua asume ida-idak nia responsabilidade hodi kolabora autoridade sivíl no militar atu halo prevensaun ba Covid-19 iha Timor-Leste.

“Lia fuan keta tauk enkoroja ita atu foti ita nia matan atu la pániku. Maibe hakmatek nafatin konfia ita nia nai ulun sira, ita nia Governo, Ministério sira, mediku sira,  hodi halo tuir orientasaun hotu ne’ebe sira lor-loron fo nafatin mai ita. Ita nia konfiansa ba sira mos la’os hanesan esperansa ba iha rate ne’ebe mamuk”, esplika.

Lee hotu :   PR Lú Olo: MUTL la sala halo demonstrasaun

Dom Virgílio do Carmo da Silva mos louva atendimento autoridade sira nia ba pasiente primeiro caso Covid-19 iha semana hirak nia laran sira bele atende didiak la daet lalais no ikus mai bele kura maski ita nia fasilidade sei minímu loos.

“Iha ne’e mak ita mak sei apresia duni esforsu ne’ebe ita nia autoridade sira no ita nia nain ulun sira halo ona. Keta tauk  mai ita hakmatek fo fiar nafatin ba ita nia nai ulun sira pessoal saúde sira atu sira bele iha coragem  espiritu sakrifisiu dedika aan atu serbi ho domin ita nia maun alin sira iha situasaun ida ne’ebe difisil ida ne’e”, salienta Archebispo.

Tuir dadus akumulativu husi Sentru Integradu Jestaun Krize to’o Domingo loron sanulu resin rua  fulan ne’e, Timor-Leste rejista suspeitu coronavírus hamutuk ema 116 husi número ne’e ema na’in rua pozitivu no na’in 62 sei hein rezultadu teste.

Entretanto husi cazu pozitivu na’in rua ne’e, na’in ida rekupera ona, no ida seluk halo hela tratamentu iha fatin izolamentu Sentru Saúde Vera Cruz. Além de ne’e, ema sira ne’ebé sei kumpri hela kuarentena obrigatóriu hamutuk 764 no ema 1.140 sai ona husi kuarentena obrigatóriu. Oct

 

Add to Comments Here!!!!

error: Content is protected.
Secured By miniOrange
You might also like:
PCIC detein suspeitu insulta Lere Anan Timur

Relasiona ho kazu insulta Xefe Estadu...

50 % estudante Universitáriu la partisipa prosesu aprendizajen hosi sistema online

Relasiona ho Estadu Emerjénsia, ne’ebé dekreta...

Ema moras dengue iha Díli 388, na’in 3 mate

Diretora Saúde Munisípiu Díli, Agostinha Seguradu...

Close