Akadémiku: Ahi lakan-mate iha Díli laran tanba jestaun la di’ak

FOTO:GOOGLE

Akadémiku Roberto Paicheco, konsidera, akontese ahi lakan-mate ne’e tanba  jestor mak halo jestaun la di’ak, tanba laiha kontrolu diak husi jestor sira hodi implika servisu funsionáriu EDTL nian iha terenu.

“Povu iha direitu atu asesu ahi durante oras rua nolu resin hat nia laran tanba povu fo ninia kontribuisaun ba EDTL liu husi sosa pulsa atu resolve mina ba EDTL tanba Komunidade sira mos halo kontribuisaun  maibe ahi iha Kapital Dili sempre Mate lakan halo publiku mos preokupa no lamenta ho servisu tekniku funsionariu EDTL nian tanba ahi mate lakan hodi estraga komunidade nia sasan eletronik sira,”hateten Roberto Paiceco ba GMN iha Kampus Kaikoli Dili Kinta (1/10/20).

Akadémiku ne’e mos informa tinan- tinan Governu tau osan ba EDTL, maibe ahi kontinua lakan mate.

“Maske tinan-tinan Governu aloka osan ba kompanhia atu halo mantensaun ba eletresidade Munisipiu Dili nian no komsumidores iha capital Dili mos halo kontribuisaun liu husi sosa pulsa hodi uza ahi durante oras rua nolu resin hat maibe durante fulan rua ne’e ahi kontinua mate lakan hodi fo impaktu komunidade nia sasan elertroniku sira tanba ne’e komunidade Kapital Dili husu ba teknika EDTL atu fo atensaun”,dehan Roberto.

Prezidente Tane Komsumidores, Antonio Ramos, hateten,  nu’udar advokasia ba komsumidores Asosiasaun ne’e hasoru malu ona ho parte Governu  oinsa buka solusaun no sujere ona ba Governu oinsa bele aselera lalais estatuto EDTL nune bele sai empreza publiku hodi halo ninia jestaun mesak.

Antes ne’e, mos reprezentante povu iha uma fukun Parlamentu Nasionál  hanesan mos membru komisaun E trata asuntu Infraestutura, Favião Oliveira, hateten, husu ba preokupasaun povu nian ne’e Governu hatán halo eskrita no sei hato’o ba ministériu kompetente maibé realidade hatudu povu kontinua halerik ba be mos eletricidadeestrada no seluk tan maske iha balun governu konsege rezolve no balun la konsege rezolve tanba Governu faila iha  jestaun ezekusaun Orsamentu no jestaun atu halo kontrola.

Bainhira ekipa GMN tenta atu entrevista asuntu ne’e ba Diretór Jeral EDTL, maibe lakohi fó komentáriu ho razaun sei halo konfirmasaun ho tékniku sira hodi foti dadus.aba