JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

GMD bandu vendedór Kampung Baru fa’an iha estrada-ninin

GMD bandu vendedór Kampung Baru fa’an iha estrada-ninin

Xefe Jestaun Merkadu Munisípiu Díli, Berta Santa Vieira, hatete, Guarda Munisípiu Díli (GMD) kontinua halo patrullamentu no apela ba vendedór sira ne’ebé fa’an iha Kampung Baru, Comoro-Díli, atu labele halo negósiu iha estrada- ninin.

“GMD hamutuk ho autoridade lokal suku Comoro fó sosializasaun hodi  aviza ba vendedór sira iha Kampung Baru labele kontinua fa’an iha estrada públiku, tanba lei bandu ona, maibé ita-nia inan-aman sira kontinua nafatin halo negósiu, durante ne’e ita halo aviza bei-beik ba fatin sira hanesan Comoro-Kampung Baru, Elemloi, Audian, Foho Osan Mean nian, Bairro Píte no eis Merkadu Comoro bandu ona, maibé ita-nia inan-aman sira kontinua fa’an nafatin”, Xefe Jestaun Merkadu Munisípiu Díli ne’e ba GMN iha Kampung Baru, Díli, Sesta (23/10/2020).

Berta informa, sira kontinua halo patrullamentu servisu hamutuk ho PNTL munisípiu Díli, hodi apelu ba komunidade atu lebele halo negósiu iha estrada- ninin sira iha kapital Díli.

“Em prinsípiu GMD kontinua servisu hamutuk ho Komando Polísia munisípiu Díli atu halo patrullamentu ba sidade Díli, hodi haree komunidade sira ne’ebé gosta fa’an iha dalan-ninin sira, hodi fó impaktu ba transporte nia movimentu iha tempu loron no kalan”, tenik nia.

Iha parte seluk komunidade Kampung Baru, Amoroze da Silva mós preokupa ho vendedor sira ne’ebé fa’an iha estrada ninin, tanba halo engarafamentu iha parte dader no lorokraik.

“Ami komunidade ne’ebé hela partense ne’e sente preokupa ho maluk vendedor sira, tanba sira fa’an sasan iha fatin ne’e hodi halo engarafamentu de’it no bainhira ami atu liu iha dalan sira ne’e halo ami tauk, tanba sira fa’an okupa hotu ami-nia dalan ne’ebé situasaun ne’e ami hato’o bei-beik ona ba munisípiu Díli, maibé parte jestaun mai mós la halo buat ida”, hateten Amoroze.

Vendedor Esmeralda da Silva, informa, sira prontu atu kumpre regra husi munisípiu Díli, maibé sira husu ba Governu atu kria uluk kondisaun, tanba iha merkadu Taibessi no Manleuana fatin laiha ona ba sira atu halo negósiu.

Ami prontu atu muda, maibé Governu tenke kria merkadu foun ba ami ne’ebé fa’an iha estrada ninin, tanba merkadu Taibessi no ho Manleuana ne’e ami nia fatin laiha, ne’e duni ami ba ema sira duni fali ami”, hateten Esmeralda.

Tuir vendedor sira katak, dau-daun ne’e sira fa’an mak parte dader tuku 07:00 dader to’o tuku 12:00 no parte lorokraik hahú tuku 05:00 to’o tuku 10:00 kalan.

Entretantu fatin ne’ebé bai-bain komunidade utiliza hodi fa’an sira-nia sasan hanesan Comoro-Kampung Baru, Elemloi, Audian Foho Osan Mean, Merkadu Comoro, Bairro Píte no fatin sira seluk tan. aba

Lee hotu :   Governo gasta cerca de 11 milhões de dólares na compra de materiais de proteção e medicamentos

Add to Comments Here!!!!

error: Content is protected.
Secured By miniOrange
You might also like:
Governu adía pagamentu subsídiu ba reklamante 2.909

Diretór Jerál Ministériu Solidaridade Sosial no...

Reseitas FP tun, tinan oin Governu sei halo perfurasaun ba mina-matan sanulu

Ministru Petróleu no Mineral (MPM), Víctor...

Uza kareta sama bandeira RDTL, PNTL detein sidadaun Filipina na’in tolu

Polísia Nasionál Timor-Leste (PNTL) detein sidadaun Filipina...

Close