GMN ho BNU estende akordu ba publisidade

Jestór Jerál Grupo Media Nacional (GMN), Clementino Gonçalves da Costa, ho Diretór Banco Nacional Ultramarino (BNU), Paulo Lopes, Kuarta (14-10), asina ona estensaun akordu hodi kontinua tau publisidade iha televizaun, rádio no Jornál GMN nian. Akordu ne’ebé asina ona ne’e ho durasaun tinan ida.

“Ami hanesan parseiru GMN nian dezde nia kriasaun iha tinan 2017, tanba ne’e mak ohin ita renova tan ba tinan ida tan parseria ida ne’e. To’o ohin loron ami uza kanál GMN nian hanesan, televisaun, rádio no jornál sira atu promove atividade no produtu BNU Timor nian. Ohin haforsa tan parseria ida ne’e ba tinan ida ne’e, tanba ba ami, GMN hanesan órgaun komunikasaun iha Timor-Leste ho espresaun boot no to’o ohin loron halo ona servisu notável iha dezenvolvimentu audiovisuál iha Timor-Leste”, hateten Diretór BNU ne’e. 

Paulo Lopes dehan, partikularmente televisaun GMN em termos teknolójia no kualidade informasaun di’ak liu órgaun komunikasaun sosiál seluk iha Timor-Leste, nune’e BNU sente onradu tebes atu kontinua parseria ho GMN.

BNU sai ona hanesan parseiru GMN nian ba tinan barak no dau-daun ne’e BNU monta publisidade iha televizaun GMN, Nacional FM, Jornal Nacional Diário no Jornal Nacional Semanário. Oct