Aldemo Garcia: Timor-Leste nia demokrasia di’ak liu

Embaixadór Brazil iha Timor-Leste, Aldemo Garcia, iha optimista bo’ot ba futuru Timor-Leste nian, tanba Timor-Leste nia demokrásia ida ne’ebé trasnparánsia ne’ebé di’ak tebes durante ne’e.

“Ha’u mós ko’alia ba Prezidente Repúblika (PR), Francisco Guterres “Lú Olo” katak, ha’u fila ho konfiansa no optimista bo’ot ba futuru Timor-Leste, tanba ha’u sente katak Timor-Leste iha ona dalan ne’ebé di’ak, tanba konsege halo ona konsolidasaun ba demokrásia”, afirma Embaixadór Aldemo Garcia ba Jornalista sira, Kuarta (25/11/2020), iha Palásiu Prezidensiál Nicolau Lobato, Bairro Píte-Díli.

Nia hatutan, Timor-Leste halo konsolidasaun ba demokrásia liu husi eleisaun no transferénsia podér husi polítiku ida ba polítiku seluk, demokrasia liu husi eleisaun parlamentár no prezidensiál ho susesu ne’ebé reforsa liu tán demokrásia no Timor-Leste halo eleisaun ne’ebé justu no transparánsia, ne’ebé koñesidu no nasaun ne’ebé demokrátiku liu iha Sudeste Aziátiku, depois mós iha transferénsia podér husi grupu polítiku ida ba grupu polítiku seluk ne’ebé ho forma pasífika no maturál.

Maibé nia dehan, TL mós presiza halo esplorasaun la-lais ba petróleu, tanba tempu la’o ba dadauk.

“Ha’u nia observasaun katak, petróleu ne’e kualker forma ba esplorasaun no lori pipeline mai Timor-Leste ka transfere ba Darwin-Austrália, ha’u hanoin desizaun saída de’it mak Governu iha ba esplorasaun Greater Sunrise ne’e tenke feitu no rápidu, labele hein ba tempu naruk, tanba tempu ba dau-daun ona, tanba ne’e Timor-Leste tenke esplora la-lais posível rezerva boot petróleu ida ne’e”, tenik Embaixador Brazil ne’e. sil