GMN TV Capital CCI-TL: Governu tenke hadi’a lei difikulta setór privadu nasionál

CCI-TL: Governu tenke hadi’a lei difikulta setór privadu nasionál

Prezidente Câmara de Comércio e Indústria de Timor-Leste (CCI-TL), Oscar Lima, kontinua ezije ba Governu atu hadi’a lei sira ne’ebé difikulta prosesu servisu setór privadu nasionál.

Oscar Lima, hateten, setór privadu nasionál sira iha kapasidade atu partisipa iha oportunidade sira ne’ebé Governu oferese, maibé prosesu administrasaun no lei balun mak hamate setór privadu sira ne’e.

“Ida krítikal liu mak ladún implementa buat ida prakualifikasaun ne’e, ida fali mak um milhão dolares ba kraik mak emprezáriu nasionál ema ida hanesan Oscar Lima no kolega sira seluk ho kapasidade boot tebes labele halo, tanba lei ne’e limita tiha, kapasidade ami nian bele too 10 milhão de dolares, maibé dalan limita tiha ida ne’e mak labele, ami husu atu sobu tiha, sé lei halo hodi hamate setór privadu, entaun muda tiha hodi fó benefísiu ba setór privadu nasionál, hodi halo netik buat ruma ba nasaun ne’e, nia sei la lori osan tomak ba liur”, Prezidente CCI-TL ne’e hafoin halo abertura ba atividade Asembleia Jerál Anual 2020 CCI-TL iha salaun Katedrál-Díli, Sesta (27-11-2020).

Nia esplika, durante ne’e CCI-TL esforsu ona hodi halo aprosimasaun ho Prezidente Repúblika (PR), Primeiru Ministru (PM) no Parlamentu Nasionál (PN), maibé seidauk iha solusaun.

Ministru Koordenadór Asuntu Ekonómiku (MKAE), Joaquim Amaral, hateten, preokupasaun sira ne’ebé CCI-TL ho nia membru sira enfrenta sai mós servisu ida ba Governu hodi bele buka solusaun no fó apoiu, tanba Governu konsidera setór privadu hanesan parseiru dezenvolvimentu.

“Konserteza sira haree iha bareira balun ne’ebé setór privadu sente presiza halo harmonizasaun no Govenru sei haree oinsa atu bele akomoda preokupasaun sira ne’ebé aprezenta, Governu toma nota ba iha preokupasuan ne’ebé CCI-TL hato’o em nome do membru sira no buka dalan atu oinsa bele hetan solusaun, sei la dala ida, maibé tuir posibilidade no buka tenta atu rezolve gradualmente”, tenik MKAE ne’e.

Iha atividade Asembleia Jerál Anuál tinan 2020 ne’e CCI-TL mós kontinua diskusaun ba revizaun estatutu, aprova planu asaun no orsamentu ba tinan fiskál nian, inklui halo nomeasaun ba membru onoráriu. ida


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker