JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu oferese tokon USD 5 ba Konferénsia Episkopál Timorense

Governu oferese tokon USD 5 ba Konferénsia Episkopál Timorense

Primeiru Ministru (PM), Taur Matan Ruak ho Prezidente Konferénsia Episkopál Timorense (KET), Dom Norberto Amaral, asina akordu ida hodi atribui subvensaun públiku ho montante tokon USD 5, nune’e bele apoiu atividade iha área edukasaun no sosiál.

“Kada tinan dezde tempu antes ne’e, ita asina akordu ida ne’ebé bazeia ba konkordata Governu dispoin, Orsamentu Jerál Estadu (OJE) ba iha Konferénsia Episkopál tinan 2020 ita asina, agora Governu tau tokon USD 5 ba tinan ida ne’e”, PM Taur iha Palásiu Governu, Sesta (13/11/2020).

Governante ne’e komprometidu husi ida ne’e ba oin Governu sei halo esforsu atu tau tokon USD 15, tuir mandatu ne’ebé iha konkordata.

“Ha’u mós hakarak informa katak Governu, apartir OJE 2021 halo esforsu boot ida hodi halo sistematiza no obriga observa transparánsia ne’e liu tan, tanba ne’e Governu dezenvolve OJE 2021 ba ona baze orsamentu kada programa”, tenik Xefe Governu ne’e.

Nia hatutan, Governu iha priviléjiu hakarak servisu hamutuk nafatin ho KET, Governu iha dispozisaun tomak saída de’it mak bele ajuda kontribui hadi’a transparénsia no responsabilizasaun no prontu kontinua ajuda iha jestaun rekursu no finanseiru.

“Ha’u hakarak transmite ba konferénsia episkopál, ha’u hasoru diosezanu sira, sira sente katak, rekursu ne’ebé tau ba sira la sufisiente, sira husu orsamentu ne’ebé tau ba KET bele tau sira nian iha pakote ida, ne’e labele tanba ne’e problema interna, KET sei haree”, informa PM Taur.       

Iha fatin hanesan, Prezidente KET, Dom Noberto Amaral, hateten, Igreja iha ona regra ida hodi utíliza orsamentu ne’e no bainhira utiliza hotu sei entrega relatóriu ba Governu.

“Maske ho situasaun ne’ebé apertadu ho polítika ne’ebé halo ita ulun-tun ain-sa’e, maibé sei iha fuan hodi aloka osan ba iha Igreja tokon USD 5, hanesan bai-bain ita asina tuir ona definisaun ne’ebé Governu fó ona, gasta ba área edukasaun, sosiál no administração eclesial no ami iha ona regra ida hodi uza osan ne’e, ne’e ho responsabilidade husi relatóriu hato’o ba Governu”, relata Dom Norberto.

Dom Norberto subliña, asina ofisiál dau-daun ne’e ba dala tolu, iha setimu Governu ho apoiu tokon USD 15, maibé Igreja simu de’it tokon USD 6 no tokon USD 9 ne’e Governu uza finansia, obra ne’ebé Governu seidauk selu no iha segundu asinatura ne’e, tokon USD 10 ne’e uza ona no relatóriu entrega ona ba Governu no dau-daun ne’e apoiu tokon USD 5 uza de’it ba atividade sira seluk, la konta ba projetu sira. Cin

Lee hotu :   Loron mundial trabalhadores, KSTL ejiji reve salariu minimu no lei protesaun ba trabalhador

Add to Comments Here!!!!

error: Content is protected.
Secured By miniOrange
You might also like:
SEKoop garante valor sasan sesta bázika sei to’o USD 25

Sekretáriu Estadu Kooperativa (SEKoop), Elizário Ferreira,...

Kooperativa 214 partisipa iha progama distribuisaun sesta bázika

VIII Governu Konstitusionál liu hosi Sekretáriu...

Dadus prosesu krime-sivíl iha tribunál iha ona faze redusaun

Prezidente Tribunál Rekursu (TR), Deolindo dos...

Close