JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Klamar Fuik: Jerasaun foun tenke organiza malu konsentra ba libertasaun povu

Klamar Fuik: Jerasaun foun tenke organiza malu konsentra ba libertasaun povu

Korpu Fundadór Organizasaun Juventude no Estudante Timor-Leste (OJETIL), Pedro Klamar Fuik, husu ba jerasaun foun sira tenke organiza malu, hodi konsentra ba libertasaun povu husi aspeitu oi-oin.

“Uluk ita funu, jerasaun ba jerasaun ita sentraliza ita-nia hanoin iha libertasaun da pátria ou libertasaun nasionál. Ohin ita konstrui Estadu no nasaun, signifika sosiedade ne’ebé mak hetan destroisaun iha nia estrutura tomak, iha vida sidadaun nian hotu ne’ebé sai hanesan konsekuénsia funu nian, ita hotu ohin loron buka dalan saída mak hadi’a, kura atu bele simu malu. Uluk juventude sira asu’ain duni, husi juventude maun sira-nia tempu to’o fali juventude ami-nia tempu barani. Organizasaun sira ne’ebé mak hanesan OJETIL, OJECTIL iha pasadu. Tenke banati tuir prinsípiu sira ne’ebé mak uluk kuandu ita mobiliza malu ita la haree ba kores ida-idak nian, ideolójia ida-idak nian, afiliasaun ida-idak nian, valores sira ne’e mak tau ita hamutuk, ita halo asoens hotu-hotu”, Fundadór OJETIL ne’e iha serimónia kalan reflesaun iha Lecidere-Díli, Kinta (12/11/2020).

Alende ne’e, Avelino Coelho konta tuir, luta juventude loriku asu’ain mosu hahú iha levantamentu Marabia iha tinan 1980, wainhira base de apoio rahun.

“Maun David ema ne’ebé ha’u mai iha 80, nia ho ha’u-nia maun sira lubuk ida la’o ho maun David. Ne’e hatudu katak primeiru levantamentu juvenil, depois base de apoio rahun, depois de Indonézia tenta tomistíka estrutura sosiedade tomak, maun David ho nia grupu embora iha organizasaun lubuk ida halo levantamentu 10 de Junho, ne’e tinan naruk ema barak la ko’alia istória 10 de Junho. 10 de Junho ne’e organizadu to’o Baucau, Viqueque atu halo levantamentu ida boot teb-tebes ne’e joven sira. Depois falla normal, la konsege halo normal, maibé 10 de Junho pasa mensajen ba mundu ba povu tomak dehan esperansa sei moris hela, ahi sei lakan hela, rezisténsia sei la’o hela, ema barak dehan loos duni, enkuantu Frente diplomata mós preokupa ona, insurisaun levantamentu 10 de Junho para só uma grande de mensajem a comunidade internacional”.

Prezidente Komité 12 de Novembro, Gregório Saldanha, akresenta, organizasaun hotu ne’ebé mosu durante luta nia-laran sai ponte ba frente armada no frente diplomata, hodi determina ukun rasik-an.

“Ita hotu hala’o servisu iha frente klandestina hanesan ponte ida atu liga ba ai-laran, ba liur, maibé la’ós OJETIL de’it la’e, organizasaun lubuk ida ne’ebé iha rai-laran ita hala’o servisu ida ne’e. Tanba ne’e mak prontu ita bele manan funu. Konkluzaun hanesan ne’e, buat sira ne’e hotu ita halo mak ita bele manan funu. Susesu povu Timor Leste nian iha 1999 rezultadu husi ema lubuk oan ida ne’ebé kontribui ativamente ho seriedade ho determinasaun boot mak ita bele manan funu”.

Iha atividade reflesaun ne’e mós fundadór OJETIL husu ba Governu atu konserva no prezerva nafatin organizasaun tuan sira ne’ebé mosu iha tempu rezisténsia, nune’e bele habelar nafatin istória luta nian ba jerasaun foun sira.

Reflesaun kalan iha Lecidere ho tema “O lado oculto e esquicido na história”, ne’ebé organiza husi OJETIL, hodi transforma istória loloos ba jerasaun foun sira iha tempu ukun rasik-an. san

Lee hotu :   Igreja Katolika follow up konkordata Santa Sé ho Governu

Add to Comments Here!!!!

error: Content is protected.
Secured By miniOrange
You might also like:
PM Taur apela ba sidadaun hotu kumpre regra EE

Primeiru Ministru (PM), Taur Matan Ruak, ...

PN: Atribuição da Cesta Básica não vai ao encontro da situação real

A deputada da bancada do CNRT,...

Xanana Gusmão felisita Joe Biden, Horta: Importante Timor marka pozisaun

Eis Prezidente Repúblika, José Ramos Horta,...

Close