GMN TV Capital Labele halo diskriminasaun subsídiu ba reklamante sira

Labele halo diskriminasaun subsídiu ba reklamante sira

Xefe suku Camea, Matos Costa, deklara, ninia populasaun aldeia rua hanesan Ailele-Hun no Has-Laran seidauk simu subsídiu USD 200 to’o agora, tanba ne’e, nia parte husu ba Governu atu labele diskrimina komunidade sira, tanba dau-daun ne’e Governu planeia atu apoiu tan sesta bázika ba komunidade sira.

“Ami iha aldeia rua mak seidauk hetan pagamentu ne’e razaun lista lakon, ne’e la’ós reklamasaun, tau hamutuk ho reklamasaun kuaze 800 mak seidauk halo pagamentu, seidauk hetan direitu ba subsídiu USD 200, agora lista aprovadu haruka mai ona, total ami nia aldeia rua ne’e iha 663 família, mais prosesu pagamentu ba to’o oras ne’e seidauk rona rezultadu”, Xefe Suku Camea ne’e ba GMN, Kuarta (04/11/2020), iha ninia kna’ar fatin sede suku Camea-Díli.

Nia afirma, tuir informasaun katak sei iha fallansu uitoan iha finansas, maibé komunidade sira hein nafatin, sira husu sé bele pagamentu uluk subsídiu USD 200, depois mak kontinua fali ho programa sesta bázika, sé lae sente katak komunidade laiha direitu.

“Kuaze família lubuk ida mak la hetan, tanba ne’e mak ami husu ba Ministériu Administrasaun Estatal, atraves Ministériu Sosiál katak, halo pagamentu uluk ba komunidade sira ne’ebé seidauk hetan subsídiu USD 200, depois mak kontinua ho programa sesta bázika, ami hanoin kona-bá sesta bázika ne’e mak komplikadu uitoan, tanba ha’u nia komunidade barak tebes mak seidauk hetan subsídiu ba USD 200 ne’e, agora sira tenke simu uluk fali sesta bázika ne’e Governu tenke haree di-di’ak”, subliña Matos.

Autoridade máximu suku Camea ne’e realsa tan, suku seluk hanoin laiha problema, maibé Camea iha problema, tanba aldeia rua kuaze família 663 mak seidauk hetan, sé sira seluk simu tan sesta bázika oinsa ho sira.

“Aldeia rua ne’e mak aldeia Ailele-Hun ho Has-Laran, nia total lista ne’ebé aprovadu iha 663 seidauk hetan direitu ba subsídiu USD 200”, tenik Xefe suku Camea ne’e. oly


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker