PM Taur: Masakre Santa Cruz sai referénsia ba jerasaun foun

Primeiru Ministru (PM), Taur Matan Ruak, hatete, masakre Santa Cruz sai referénsia ba jerasaun foun sira iha tempu agora, tanba joven sira ne’ebé fó sira-vida (mate) iha tempu ne’eba ne’e ba Timor-Oan hotu nia di’ak.

“Ha’u hakarak kongratula ita boot sira-nia eroízmu no dediksaun, espera katak ezemplu ida ne’e sai referénsia ba ita sira ne’ebé sei moris, maibé liu-liu ba ita nia-oan sira, ezemplu eroízmu no sira fó sira-nia-an la’ós ba sira-nia di’ak, ne’e di’ak ba sira-nia família no sira fó sira nia-an ba ema seluk”, Xefe Governu ne’e iha sala auditória Ministériu Finansas (MF), Sesta (13/11/2020).

Líder Ezekutivu ne’e hatutan, iha tinan 29 liu ba mosu masakre boot ida iha Timor-Leste.

“Ha’u hakarak parabeniza autór 12 de Novembro, tinan 29 liu ba iha ita-nia rain iha masakre boot ida, ha’u lembra iha masakre ne’e, ha’u nia ekipa Brigadeiru Jeneral Falur, Sabika no Jenerál Lere ami serkadu, balun mate to’o loron rua resin, sai husi serku iha loron tuir mai haree Indonezia retira hotu la hatene, tanba saida”, Tenik Taur.

Pimeiru Ministru fó ezemplu, hanesan batar ida, ema kuda dodo’ok, maibé nia sei fó fali fulen ida no sira ne’ebé han batar ne’e sente kontente hodi hanoin katak, sé mak kuda batar ne’e, iha balun ne’ebé han batar ne’e haluha tiha sé mak kuda.

“Ita ko’alia kona-bá loron 12 de Novembro, sé Timor-Oan, joven sira iha momentu ne’ebá nia husu karik hanesan ne’e, ha’u mate ba saída nian..? Ha’u nia família manan saída..? balun hakiduk fila-fali ba uma, maibé sé nia hanoin hanesan ne’e, ha’u bele mate, maibé sira seluk mai tenke manan no ha’u nia rai tenke ukun-an”, afirma Xefe Governu ne’e. cin

Leave a Reply

Your email address will not be published. Required fields are marked *