JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

AIFAESA taka atividade negósiu tua sabu iha Balide

AIFAESA taka atividade negósiu tua sabu iha Balide

Autoridade Inspesaun no Fiskalizasaun Atividade Ekonómika Sanitária no Alimentar (AIFAESA, IP) servisu hamutuk ho Polísia Sientífika Investigasaun Kriminál (PSIK), Kuarta (16/12/2020) taka atividade negósiu tua-sabu iha Balide-Díli, tanba konsidera laiha lisensa no fatin la ijiene.

Antes ne’e iha Tersa (15/12/2020) PSIK simu lamentasaun husi komunidade fa’an tua-sabu iha Balide, postu administrativu Na’in Feto, Díli.

Relasiona ho keixa ne’e, PSIK halo koordenasaun  ho AIFAESA ba kedas fatin negósiu tua-sabu iha Balide ne’e hodi halo identifikasaun, hafoin foti amostra tua-sabu ba halo ezame iha laboratóriu Hospital Nacional Guido Valadares (HNGV).

Diretór operasaun AIFAESA, Gabriel da Costa, agradese ba PSIK ne’ebé fasilita ona informasaun ba sira, hodi halo identifikasaun ba fatin negósiu tua-sabu.

Durante halo identifikasaun, AIFAESA haruka negosiante sira taka temporáriu sira-nia atividade negósiu tua-sabu durante  fulan tolu, ho nune’e negosiante sira bele hadi’a fali sira-nia uma, hafoin informa ba iha AIFAESA hodi bele kontinua sira-nia atividade negósiu.

“Husi identifikasaun ne’e ita haree liu-liu ba fatin ne’e la tuir kritéria, fatin ne’e la ijiene, tanba nia halo negósiu depois nia toba mós iha fatin fan tua-sabu, depois tua sabu hatama iha toba fatin okos. Entaun ami sei prosesu tuir dekretu ijiene nian, depois mós kona-bá lisensiamentu na realidade atividade negósiu laiha, entaun ami sei fó konvokatóriu para negosiante ne’e aprezenta”, Diretór operasaun AIFAESA ne’e ba GMN hafoin tun ba terenu.

Durante halo identifikasaun, negosiante feto Ermizana Soares, informa ba ekipa AIFAESA katak, nia iha karta lisensa ba atividade negósiu tua-sabu nian, maibé iha Laclubar, munisípiu Manatuto.

Nune’e negosiante Aleixo Liborio da Costa, laiha lisensa ba atividade negósiu tua-sabu.

Tanba ne’e, Gabriel, husu ba negosiante Ermizana Soares, atu hatudu lisensa negósiu ba AIFAESA.

“Kona-bá ijiene nian ita sei prosesa ema ne’e hodi haruka selu multa mill to’o des mill, inklui mós lisensiamentu atividade negósiu nian laiha mós hanesan tuir dekretu lei  23/2013/5 de Agosto sei hetan sansaun mill to’o des mill”, tenik nia.

Alende ne’e, negosiante Aleixo Liborio da Costa, hateten, nia hala’o atividade negósiu tua-sabu iha área Balide komesa tinan 2006, maibé la ho lisensa negósiu husi Governu.

Tua-sabu ne’e produz husi tua-metan iha Laclubar, hafoin sira lori mai fa’an iha Díli.

Tuir observasaun, negosiante na’in rua ne’e fa’an tua-sabu iha uma-naruk ida fahe ba kuartu rua, hodi rai tua-sabu, inklui toba fatin. avi

Lee hotu :   Estrutura INSS simu pose, MSSI Armanda: Tenki leal no disiplina

Add to Comments Here!!!!

error: Content is protected.
Secured By miniOrange
You might also like:
Kay Rala Xanana Gusmão: Guerrilla Timor-Leste nian úniku iha mundu

Komandante em Xefe FALINTIL iha tempu...

Mota estraga kintál no natar, Abitante Guico-Lisadila ezije Governu normaliza la-lais

Abitante suku Guiço no Lisadila, postu...

PNTL investiga kazu deskonfia membru polísia tiru Alexandre iha Comoro

Vise Ministru Interior (MI), António Armindo,...

Close