JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio: Sentidu Natal konvida sarani sira atu aten brani

Dom Virgílio: Sentidu Natal konvida sarani sira atu aten brani

Arsebispu arkidioseze Díli, Dom Virgílio do Carmo da Silva SDB, haklaken katak, selebrasaun Natal, tinan ne’e, ho  sentidu ida fundamentu hodi konvida sarani sira  atu aten brani hado’ok-an husi nakukun hodi simu naroman husi kosok-oan Jesus Kristu nia prezensa, ne’ebé lori domin no dame ba ema hotu.  

“Maromak ne’ebé besik mai ita, la’o ho ita  no saida deit ho ita, buat ida deit mak la sala.  Ida ne’e mak razaun mai ita iha solidariedade Natal, sai selebrasaun ksolok ninian, selebrasaun ida naroman, selebrasaun ida esperansa, liafuan  ne’ebé  maromak  nia Anju haklaken ba bibi atan sira, hatudu sentidu lolos natal ninian, iha ne’ebé tinan 2020  nia laran, ne’ebé  ita hotu simu, ha’u lori ba imi novidade ksolok lalehan, ohin moris ona Nai Maksoin”,dehan Dom Virgílio do Carmo da Silva SDB, iha Misa Selebrasaun Natal iha Igreja Catedral, Díli (24/12/2020).

Nia hatutan, salvador moris husi kosok oan atu tama iha ema hotu nia fuan, husik nia atu tama iha moris, moris ne’ebé dalaruma sente nakukun karik, presiza loke atu kosok oan ne’e  bele tama.

“Selebrasaun Natal nian, konvida ita atu aten brani, hanesan São Paulo dehan mai ita segunda leitura, mnaromak nia rahun diak mosu mai ona,  no hatudu nia grasa ida ne’e mak konvite ida mai ita sarani atu iha obrigasaun la bele desvia maromak bolu ita ba hasoru nia, la bele evita ksolok ida mai husi maromak”, tenik Dom Virgílio.

Dom Virgílio salienta, kalan ida ne’e kalan naroman no kalan ksolok ninian,  hanesan  hotu-hotu hatene kalan natal, maibe iha kalan natal laiha ksolok, iha moris lolos labele hetan ihaa sarani nia fuan mak laiha ksolok, entaun atu halo ezame konsiénsia, maromak laran diak no nakole buka maibe dalaruma nu’udar ema  mak sai obstakulu ba maromak nia konvite.

Lee hotu :   Ahi han kioske 8, ema na’in ida kanek grave

“Ita mak sai obstakulu ba ksolok iha ita-nia família, nomos ba ksolok iha ita ita-nia instituisaun no komunidade, tanba dala barak ita lao husi nakukun dalan-at nian, injustisa ninian, dalabarak mos ita fila kotuk ba nai maromak, tanba dala barak ita hanoin maromak nia rekejitu sira susar, ha’u hakarak moris tuir ha’u nia isin nia hakarak, isin nia ezijensia mak buat ida ne’ebé ha’u haka’as-an atu priense, tan ne’e dala barak ita-nia lójika no hanoin ho maromak nian la hasoru malu”,dehan Dom Vigílio.

Dom Virgílio mos akresenta, maske iha tempu pandemia Covid-19 ne’e, karik selebra Natal ne’e hanesan tinan baibain, maibe tau iha neon katak ida ne’e duni, lori sarani sira selebra fali primeira Natal, Natal uluk ninian, Wainhira São José inan santa maria, sira buka hela fatin atu kosok-oan ne’e bele moris, fatin ida mos laiha, pobreza ida.

“Jesus moris iha kalan nakukun, nakukun reprezenta ita-nia hahalok sira ne’ebé sabraut, nia moris iha nakukun ho nia moris lori naroman ida atu bele kasu fó naroman liberta ita hasai ita husi nakukun ida ne’e, tanba iha Biblia koalia kona-ba naroman, iha liafuan dahuluk biblia ninian, hahú hodi dehan, maromak wainhira haree kona-ba naroman, nia dehan buat hotu furak no kapás,  tanba ne’e  ita hotu iha ita-nia moris lakohi hela iha nakukun laran, ita buka halo esforsu, atu hadook-an husi buat ne’ebé nakukun nian, ne’e mak realidade moris ninian, basá nakukun mak lori mate, laiha ema ida hakarak moris iha nakukun, ohin naroman ne’e to’o mai ita-nia maksoin moris mai ita”,haktuir Dom Virgílio. Oly

Add to Comments Here!!!!

error: Content is protected.
Secured By miniOrange
You might also like:
PR promulga dekretu lei bá saláriu adisionál, Opozisaun: Dekretu laiha ulun no bosok povu

Deputada bankada opozisaun CNRT, Maria Fernanda...

Sistema ladi’ak, hamate idozu ida iha BNCTL

Idozu sira konsidera sistema atendimentu iha...

Governu kontinua distribui sesta bázika iha selebrasaun loron Natal

Maske selebra loron boot natal no...

Close