JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEFOPE rejeita kansela kandidatu traballadór ba Austrália

SEFOPE rejeita kansela kandidatu traballadór ba Austrália

Diretór Jerál Sekretáriu Estadu Formasaun Profesionál no Empregu (SEFOPE), Paulo Alves, klarifika, traballadór na’in 10 ne’ebé la konsege dezloka ba Austrália liu hosi programa Seasonal Worker ne’e, la’ós tanba SEFOPE mak kansela, maibé na’in nen (6) tanba atestadu médiku mak inválidu no na’in tolu (3) naran la mosu iha lista konfirmasaun husi Austrália no ida seluk SEFOPE la hatene tuir informasaun, ho nune’e konsidera nia tun rasik.

SEFOPE konsidera ne’e husi parte Governu Austrália nian, tanba konfirma dokumentu tarde, liu-liu hanesan atestadu médiku, maibé traballadór hirak ne’e sei tau prioridade iha periódu tuir mai, eseptu joven feto ida ne’ebé nia la’en ka maridu mak kansela nia kontratu.

“Loron liu-bá ne’e iha traballadór 162 mak ita halo despedida iha Delta Nova no dadersan asina tiha deklarasaun no hein para atu sa’e aviaun, iha lorokraik ne’e mak iha fali informasaun husi departamentu ne’ebé toma konta ba traballadór sira atu ba Austrália hateten mai katak, iha ema na’in nen (6) mak sei iha problema healt ID ka sistema atestadu médiku ne’ebé mak  liga ho sira-nia vistu”, Paulo Alves ba jornalista sira iha Parlamentu Nasionál (PN), Sábadu (05-12-2020).

Nia dehan, sistema ne’e rasik, Stamford medical rasik la hatene, só traballadór rasik ho sira iha Austrália, tanba ne’e mak SEFOPE mós preokupa.

“Tuir loloos tenke fó hatene antes para ami bele haree, hodi labele hamosu situasaun sira hanesan ne’e. Momentu Governu Austrália loke fali programa Seasonal Worker ne’e fó tempu loron 10 de’it, sira oportunidade ba illa pasífiku, maibé illa pasífiku la brani foti risku, tanba tempu loron 10 de’it tenke aranka atu prepara ema barak hanesan ne’e, entaun ami haree katak, ne’e oportunidade di’ak ba Timor-Leste, ne’e mak ita foti risku, maske loron 10 de’it, hodi mobiliza traballadór sira 62 pessoas husi 12 munisípiu, inklui RAEOA, ne’e la’ós buat fasíl, tanba iha de’it loron 2 nia-laran, ami rezolve dokumentu balun ne’ebé la kompleta, entaun ami tenke kompleta duni”, afirma Diretór Jerál SEFOPE ne’e.

Nia subliña, sé momentu ne’e mak SEFOPE la foti risku haruka traballadór 162, entaun tinan ida ne’e Timor-Leste sei lakon oportunidade vaga 400 iha Tasmania, ho ida ne’e Timor-Leste iha poténsia boot tinan 2021 sei hetan kuota vaga 400 iha Austrália.

“Kazu ne’e iha oin rua, ida problema ho vistu saúde  nian no ida seluk, tanba sira na’in tolu (3) nia naran la mosu iha lista manifestu bainhira to’o iha aeroportu, tanba ne’e mak sira na’in tolu (3) la konsege sa’e aviaun, crew husi aviaun tun mai dehan sira naran laiha, to’o tiha últimu minutu mós ami sei ezije nafatin atu sira bele sa’e aviaun, tanba sira na’in tolu (3) ne’e laiha problema ona, maibé malae sira lakohi nafatin. Entaun momentu ne’e kedas ha’u mós bolu traballadór na’in sia (9) ne’e ba kedas halo epslikasaun iha eskritóriu, iha situasaun ida ne’e ita hotu la espera atu sai hanesan ne’e. Maibé SEFOPE tau prioridade ba sira-na’in sia (9) bainhira Austrália rekruta tan ema, sira ne’e mak prioridade primeiru, sé ami la tau prioridade primeiru, sira bele keixa ami ba Ministériu Públiku (MP)”, realsa Paulo Alves.

Iha oportunidade ne’e nia husu ba kandidatu traballadór sira hadi’a sira-nia dokumentu refere liu-liu atestadu médiku, tanba traballadór sira ne’e de’it mak hatene ho sira husi Austrália.

SEFOPE la kansela, ita hakarak Timor-oan ba barak, liu-liu iha situasaun sira COVID hanesan ne’e rai barak nia ema lakon servisu, inklui Timor rasik, tanba ne’e kuandu Austrália loke vaga 62 ne’e oportunidade di’ak tebes ba Timor-Leste.

“SEFOPE hakarak Timor-oan hotu-hotu ba, maibé keta haluha ita tenke tuir Austrália nia regra, infelizmente buat ne’e akontese iha última hora, hela de’it oras atu sa’e aviaun ne’e mak foin Austrália komunika mai katak sira na’in nen (6) ne’e iha problema, ne’e oinsa ita atu prosesa iha tempu ne’ebé limitadu, jangankan ba Austrália, sa’e de’it aviaun mós ema la autoriza tiha ona”.

Ne’e husi departamentu home affairs ne’ebé mak toma konta jere traballadór atu ba servisu iha Austrália ne’e mak fó konfirmasaun tarde, la’ós SEFOPE mak kansela, agora sistema baze de dadus ne’ebé mak ita iha, inklui Díli nian ne’ebé foin ezame ne’e de’it 11 mill pessoas resin, ita imajina la hetan ema barak ida hanesan ne’e mak buka servisu, ita hakarak ema sira ne’e ba hotu, maibé ita mós tenke konsiente katak, ita tane-liman hela ba ema, ita tenke tuir duni kríteriu balun ne’ebé mak ema husu mai ita, maibé 11 mill pessoas resin ne’e naran tama hotu ona iha sistema”, tenik Diretór Jerál SEFOPE ne’e. say

Lee hotu :   PM komprometidu aselera vistu ba misionáriu sira

Add to Comments Here!!!!

error: Content is protected.
Secured By miniOrange
You might also like:
PNTL prende fugetes karon-rua no detein ema na’in haat

Polísia Nasionál Timor-Leste (PNTL ) Eskuadra...

Governu kontinua esforsu adere ba ASEAN

Governu Timor-Leste partisipa iha enkontru virtuál...

PM husu Timor-oan hotu proteje ai-han lokál

Primeiru Ministru (PM), Taur Matan Ruak,...

Close