JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EUA sei apoiu USD tokon 275 finansia projetu rua iha TL

EUA sei apoiu USD tokon 275 finansia projetu rua iha TL

Diretór Ezekutivu Compact Develompment Team iha Timor-Leste (CDT-TL), Constancio da Conceição Pinto, informa, governu Estadu Unidu Amerika (EUA) sei apoiu USD osan tokon 275, hodi finansia projetu rua hanesan agua saneamentu no Drainajen, inklui edukasaun iha Timor-Leste.

“Ami hakarak iha fulan Juñu ne’e bele ona asina akordu ho EUA ba apoiu ne’ebé fo mai ita, apoiu ne’e mai projetu rua, agua saneamentu drainajen no edukasaun ho valor entre 275 milhões no bele sa’e tan depende ba estudu viabilidade, prosesu ne’e sei implementa, sé karik asina iha fulan Juñu nia laran ho duransaun tinan lima”, Diretór Ezekutivu CDT-TL ne’e hafoin informa sira-nia atividade durante tinan 2020 ba Ministru Prezidénsia Konsellu Ministru (MPKM), iha Palásiu Governu, Tersa (12-01-2021).

Constancio, hateten, tuir planu kontratu ba projetu ne’ebé apoiu husi EUA liu husi kooperasaun entre Ajénsia Millennium Challenge Corporation (MCC) no CDT-TL asina iha Outubru tinan 2020 liu ba, maibé tanba pandemia COVID-19 planu ba projetu ne’e tenke adia ba Juñu, tinan ne’e.

Ekipa ba estudu viabilidade ne’e mós hasoru impedimentu seluk hanesan mobilizasaun tékniku husi rai-liur, tékniku sira labele halo viajen husi Amérika, Austrália no Europa mai Timor, hodi halo instalasaun ba ekipamentu no projetu rua ne’e.

“Tanba iha ona vasina no iha tempu badak Timor mós sei iha no ita hein iha tempu badak sira bele mai fila-fali hodi kompleta, MCC no CDT-TL servisu ho ministériu relevante, inklui MOP ho MEJD hanesan projetu na’in, hodi dudu servisu ne’e ba oin”, nia dehan.

Diretór Ezekutivu CDT-TL ne’e esplika, Governu Timor-Leste liu husi ministériu relevante hanesan Ministériu Obras Públika (MOP) no Ministériu Edukasaun Juventude no Desportu (MEJD) tenke asegura investimentu ne’ebé iha, hodi responde ba nesesidade komunidade no nasaun nian.

CDT-TL mós sei halo koordenasuan ho Ministériu Finansa (MF), Ministériu Negósiu Estranjeiru no Kooperasaun (MNEK), Ministériu Solidaridade Sosiál no Inkluzaun (MSSI), Ministériu Agrikultura no Peska (MAP), Sekretáriu Estadu Igualdade no Inkluzaun (SEII), inklui Sekretáriu Estadu Ambiente no seluk tan, oinsa iha apoiu tomak husi sira no antuziasmu boot. ida

Lee hotu :   Governu sei rejista Tais nu’udar patromóniu mundiál

Add to Comments Here!!!!

error: Content is protected.
Secured By miniOrange
You might also like:
Vasina sei fó prioridade uluk ba liña frente

Timor-Leste (TL) sei utiliza vasina AstraZeneca...

PTR: Partidu foun rua la prienxe rekezitu, seluk sei verifika

Prezidente Tribunál Rekursu (PTR), Deolindo dos...

COVID-19: Tolu rekuperadu, lima seidauk

Koordenadora Jerál Corona Virus Disease 2019...

Close