JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana simu medalla husi Eskola Fletcher

Xanana simu medalla husi Eskola Fletcher

Líder Karismátiku, Kay Rala Xanana Gusmão, iha loron 11, fulan ne’e, simu medalla dekanu husi Eskola Fletcher ba lei no diplomasia, Universidade Tufts, ne’ebé halaó liu hosi konferénsia virtuál iha sede sentrál Organizasaun Mundiál g7+ Timor-Leste.

Universidade Tufts iha Estadu Unidu Amérika (EUA) hanesan universidade koñesidu ida iha mundu no Eskola Fletcher koñesidu hanesan instituisaun ida ba asuntu internasionál.

Ho nune’e, insitutisaun ne’e konsidera Xanana Gusmão hola parte ba grupu ida ho individuál prominente sira no diplomata respeitozu sira ne’ebé fó ona kontribuisaun boot ba asuntu globál.

Ida ne’e, inklui Kofi Annan no mós eis Sekretáriu Estadu Amérika, Jhon Kerry no eis Konselleira ba Seguransa Nasionál, Susan Rice.

Dekana Eskola Fletcher iha Universidade Tuftts, Rachel Elizabeth Kyte, hateten, Xanana Gusmão mak ema ida husi líder uitoan iha mundu, ne’ebé lidera ninia rai dala-rua.

Iha Xanana Gusmão nia diskursu ko’alia kona-bá prosesu deskolonializasaun Timor-Leste, g7+ no problema asisténsia internasionál husi doadór sira.

Antes ne’e, iha loron 10, fulan Fevereiru, Xanana Gusmão mós hetan konvite hodi ko’alia iha konferénsia relasaun internasionál kona-bá dezkolonializasaun ne’ebé realiza husi Eskola Fletcher iha Universidade Tufts.

Líder Karismátiku ne’ebé hanesan mós pesoál eminente iha Organizasaun Mundiál G7+ simu konvite husi Eskola Fletcher, iha Universidade Tufts Amérika, hodi ko’alia iha sira-nia konferénsia relasaun internasionál kona-bá deskolonializasaun.

Nune’e, iha Kuarta ne’e mós, liu husi konferénsia virtuál ne’ebé hala’o iha sede sentrál g7+, Xanana Gusmão partisipa hodi hatán ba konvite no iha konferénsia ne’e, Xanana diskursu kona-bá Timor-Leste nia esperiénsia durante kolonializasaun no okupasaun ilegál durante tinan barak, hodi harii Estadu Demokrátiku ida.

Maske liu de’it husi virtuál, maibé estudante sira husi Eskola Fletcher antuziasmu tebes ho konferénsia ne’e, tanba bele hetan oportunidade hodi ko’alia direta ho Xanana Gusmao.

Durante Xanana nia diskursu ko’alia mós kona-bá dezkolonializasaun husi baze ba leten, kestaun dezigualdade globál no nesesidade ba dame no dezenvolvimentu no mós kona-bá pandemia COVID-19 no presiza mundu atu fó liman ba malu iha solidariedade hodi kontra vírus refere.

Hafoin diskursu Xanana Gusmão hatán mós pergunta husi funsionáriu, akadémiku no estudante sira husi universidade Tufts kona-bá nia esperiénsia no Timor-Leste nia luta ba independénsia, liu husi sesaun husu no hatán. ida

Lee hotu :   Konstrusaun Aeroportu Comoro tama faze dezeñu

Add to Comments Here!!!!

error: Content is protected.
Secured By miniOrange
You might also like:
Governu susar lori mate-isin husi Austrália

Sekretáriu Estadu Formasaun Profisionál no Empregu...

CNRT kritika Governu ko’a osan pursentu hitu ba sesta bázika

Deputada bankada CNRT, Maria Fernanda Lay,...

FONGTIL: PN seidauk intende di’ak direitu umanu

Forum Organizasaun Naun Govermentál Timor Leste...

Close