JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Movimentu transporte públiku no ema iha kapitál Díli hahú menus

Movimentu transporte públiku no ema iha kapitál Díli hahú menus

Dadaun ne’e movimentu transporte públiku no privadu inklui movimentu ema nian iha Kapitál Díli hahú menus, hafoin Governu liuhosi Konsellu Ministru (KM), deside aplika serka sanitária ka konfinamentu obrigatóriu iha Munisípiu Díli, durante loron hitu nia laran.

Serka sanitaria ne’e hahú iha loron 09 to’o loron 15 Marsu fulan ne’e, relasiona ho ekipa saúde ne’ebé identifika tranasmisaun lokal COVID-19 iha área BTN Tasi-Tolu, iha Domingu kalan foin lalais ne’ebé evakua kedas pasiente infetadu ne’e ba sala izolamentu.

Ho situasaun ne’ebé refere, iha loron segunda ne’e Governu liuhosi KM deside hodi implementa serka sanitária ba kapitál nasaun Timor-Leste durante loron hitu nia laran, hodi limita direitu sidadaun nian atu halo movimentu iha kapital Díli, no hosi Díli ba munisípiu inklui munisípiu mai Díli.

Tuir observasaun GMN, implementasaun serka sanitária ne’e, iha kapital díli hatudu, movimentu ema no transporte hahú menus kompara ho antes ne’e.

Nune’e mós parte seguransa liu-liu Polísia Nasional Timor-Leste (PNTL) taka mós pontu entrada kapital díli nian, hanesan terminal Bekora, Hera, Tasi-Tolu, Lahane, no halo mós pasa revista ba transporte sira ne’ebé hala’o movimentu.

Jornalista GMN observa mós atividade negósiu iha Díli, maske maioria paradu, maibé negósiante no komunidade balun kontinua hala’o atividade iha ámbitu serka sanitária, ne’ebé vigor ne’e.

Serka sanitária durante loron hitu ne’ebé deside hosi KM ne’e, institituisaun estadu no privada balun mós suspende atividade, no hala’o serbisu liuhosi online ka eletrónika. Ho situasaun ne’e atividade aprendizajen ba eskola hotu iha kapital díli suspende total.

Ho transmisaun lokal ne’ebé ekipa saúde detekta no kontinua sa’e husi loron ba loron, Kordenador Forsa-Tarefa ba Prevensaun no Mitigasaun Surtu Covid-19,  Rui Maria de Araújo, apela ba komunidade hotu liu-liu iha kapitál Díli labele pániku. No nafatin kumpri regra hosi OMS no Ministériu Saúde (MS), uza maskara, fase liman bebeik, distansia sosial no fíziku.

Lee hotu :   Folin kafe tún iha postu administrativu Hatulia B

Teste masal ne’ebé ekipa saúde hala’o ba membru governu sira iha segunda-feira ne’e, Xefe Governu, Taur Matan Ruak mak dahuluk ba teste masal refere.

Serka sanitária durante loron 7 ba kapitál díli, Ministru Prezidensia Konsellu Ministru, Fidelis Leite Magalhães, husu ba ema hotu iha kapitál nasaun, izola an iha uma, bainhira laiha nesesidade atu labele movimentu iha fatin públiku.  Ina 

 

Add to Comments Here!!!!

error: Content is protected.
Secured By miniOrange
You might also like:
Tauk COVID-19, komunidade barak halai ba “foho”

Komunidade barak husi Munisípiu sira seluk...

Deputadu sira husu PPN suspende atividade parlamentár

Deputadu bankada CNRT, Marcos Xavier, liuhosi...

Alerjia ho liafuan asalta podér, Bankada Governu “raut malu” ho opozisaun

Deputadu sira husi Bankada Governu hanesan...

Close