JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tauk frustradu hamate uluk ema, PN husu Governu loke atividade komersiál

Tauk frustradu hamate uluk ema, PN husu Governu loke atividade komersiál

Deputadu bankada Partidu Demokrátiku (PD), Adriano do Nascimento husu Governu atu loke hikas atividade komersiál, ho limitasaun tempu, nune’e bele halo sirkulasaun ekonomia iha rai-laran, no fasilita povu bele sosa buat ne’ebé presiza, tanba se la’e Covid-19 seidauk hamate ema, maibe  ema frustradu mak hamate uluk ema.

Tuir nia situasaun atúal dilemátiku, maibe governu presiza buka alternativu ne’ebé di’ak, atu labele husik povu sofre liutan iha situasaun ne’e.

“Ne’e dilemátiku entre salva nasaun no salva povu, ita nia nasaun hasoru problema boot, problema tanba reseitas estadu ne’ebé menus ba bebeik.

Todan hotu-hotu tau iha estadu nia kaba’as, tanba ita nia estadu buat hotu-hotu fó subsidíu, roda ekonomia paradu, tanba serka sanitaria, ita nia povu atu la’o ba mai hodi hamoris an susar teb-tebes.

Ohin ita ko’alia kona-bá estudante sira hela iha kos, iha individus komunidade balun hola inisiativas hodi fó foos saka ida, supermi falun ida ba sira, mais kestaun ba ita mak atu to’o bainhira?, COVID foin hahu hada’et, seidauk hamate, ita agora problema ona.

Hau nia preokupasaun ne’e ba iha estadu ke ita nia osan oituan ne’e, se covid foin mak hahu, seidauk hamate ema hanesan iha Amérika ne’e, ita sei hasai hotu ita nia osan oituan ne’e, estadu ho povu sei mout dala ida, tanba ne’e, hanoin ita bele tetu took ba, ba estudante sira ne’ebé hela iha kos Díli no povu sira ne’ebé mai halimar iha Díli labele fila, buka dalan ida, se serka sanitaria ne’e seidauk iha serteza atu loke, kestaun emerjénsia ne’e seidauk bele hapara tanba covid ne’e mai tan bebeik, hau propoin estudante no ema sira mai hosi munisípiu ne’e fila hotu kedas ba sira ida-idak nia rain, atu nune’e bele han saida mak sira kuda, no saida mak sira iha, tanba iha foho ne’e fasil liu, iha Díli ne’e lor-loron ita hein de’it mak loja ho ki’os.

Lee hotu :   Timor Leste enfrenta bailoron naruk

Se bele loja eletrónika, konstrusaun no loja sira seluk ne’e, semana ida loke dala ida, para ema bele halo manutensaun, eletrisidade mate lakan, telekomunikasaun rungu-ranga, ema atu sosa de’it lampu oan ruma mós susar loos, atu taka de’it kalen oan tanba udan boot mós susar loos, sela’e molok covid oho ema, frustrasaun mak hamate uluk tiha, governu tenke buka took dalan ida ne’e.

Ida seluk, ita nia telekomunikasaun, Telemor, TT ho Telkomcel la’o rungu-ranga, hanesan lenuk, ne’e halakon povu no nansaun ida ne’e, husu governu atu haree, tanba sira simu osan, ne’e hanesan covid kona hotu sira, ou sira mós serka sanitaria hotu kedas, internet mós serka snaitária ba mai ladi’ak, sa teknolójia no polítika ida mak hanesan ne’e, governu tenke haree buat sira ne’e.”tenik deputadu PD ne’e iha nia intervensaun, iha plenária, Segunda(29/03/2021)

alénde ne’e, deputadu sira seluk mós husu governu atu buka dalan ka alternative di’ak, hodi nune’e, atu labele sakrifika bebeik povu, liu-liu iha âmbitu serka sanitaria no estaun emerjénsia.Say

Add to Comments Here!!!!

error: Content is protected.
Secured By miniOrange
You might also like:
Xanana: Alkatiri laiha servisu seluk no hatudu deit nia arogánsia iha Facebook

Prezidente Partidu CNRT, Kay Rala Xanana...

KE ho KSDS husu PR renova EE

Konsellu Estadu (KE) no Konsellu Superior Defeza Seguransa (KSDS), Segunda...

COVID-19: Kazu konfirmadu foun 21, atuál baixa 342

Koordenadór Forsa-Tarefa ba Prevensaun no Mitigasaun...

Close