GMN TV Desporto Ubon United kontrata João Pedro durante fulan sanulu

Ubon United kontrata João Pedro durante fulan sanulu

Klube futeból ho naran Ubon United husi Thailandia kontrata jogadór Timor-oan João Pedro da Silva durante fulan Sanulu (10).

Jogadór selesaun nasionál João Pedro da Silva Freitas husi Munisípiu Baucau ne’ebé durante ne’e joga mos iha klube Sporting Laulara e Benfica (SLB), envolve iha klubu Ubon United husi Thailandia.

João Pedro ne’ebé moris iha tinan 1998, oras ne'e reforsa klubu Ubon United iha jogu segunda divizaun  liga Thailandia.

Jogadór timoroan ho idade 20 ne'e hetan kontratu ho klubu futebol Ubon United   durante fulan sanulu, hahú husi Janeiru to’o Outubru tinan ne’e.

Terinadór SLB Mister Kim kontente tanba jogadór João Pedro ne'ebé ho idade ki'ik avansa iha ninia kareira liuliu iha atmosfera futeból.

"SLB sem prezensa João Pedro mos labuat ida, importante mak nia (João Pedro) ba oin iha kareira futeból. Hau mos kontente, iha tinan ne'e hau hakarak forma labarik sira ho idade ki'ik, maibe laiha kampu futeból, e buat barak mak presija prepara, maibe ida ne'e presija servisu hamutuk entre federasaun, LFA ho entidade hotu ne'ebé luta ba dezenvolivimentu futeból iha Timor-Leste," hateten terinadór SLB, Mister Kim, durante akompañia treinamentu jogador sira  iha kamopu demokrasia Díli, foin lalais.

Familia kontente no orgullu tanba jogador Joao Pedro bele hetan kontratu husi klubu rai liur.

Kona-bá prosesu atu halo kontratu ba jogador ne'e, jestór Klubu Futeból Ubon United negoasia diretamente ho familia João Pedro no la liu husi Federação Futebol Timor-Leste ka ajénsia ruma.

"Ida ne'e nia (João Pedro) privadu deit no nia ba hanesan atu apriende liu tan ihamundu futeból. Hanesan familia sente orgulho no hakarak reseu João Pedro ninia talentu futeból tanba bele hetan kontra husi klubu rai liur," hateten Reprezentante familia, Domingos Da Costa.

Iha rai laran, jogador João Pedro reforsa klubu SLB durante liga futebol amadora (LFA) époka 3 tuir malu no sai mos jogadór avansadu iha selesaun nasional. Ito


Banner

Foto

Notisia Ikus

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker