GMN TV Desporto Prezidente klubu sira la aseita desizaun Governu hapara subsídiu

Prezidente klubu sira la aseita desizaun Governu hapara subsídiu

Governu liu husi Sekretaria Estadu Juventude no Desportu (SEJD) deside sei la fó subsídiu ba klubu sira ne’ebé kompete iha Liga Futeból Amadora (LFA) ba tinan 2020.

Desizaun Sekretaria Estadu Juventude no Desporto fó sai hafoin halo enkontru ho ezekutivu Liga Futebol Amadora foin lalais ne’e iha edifisio eis Cional Díli.

Dezisaun governu hapara subsidiu ba klube sira nee Prezidente klubu sira lamenta, tanba klubu laiha osan atu selu jogador sira no treinador sira.

Prezidente klubu futeból Karketu Dili, Adilson Ribeiro, hatete nudar Prezidente hakarak hatete deit katak kuaze klubu sira ne’ebé kompete iha LFA tantu husi primeira divisaun no segunda divisaun la menta tebes ho dezisaun husi SEJD nian ne’ebé atu hapara subsídiu ba klubu sira.

“Hau atu hatete hanesan ne’e, durante ne’e LFA la lori lukru ba klubu sira, klubu sira mos seidauk hetan apoiu máximu husi sponsor sira inklui rendimentu husi fa’an billete, tanba antes ne’e iha akordu ho Governu katak Governu sei apoiu subsídiu ba klubu sira iha LFA nian,” dehan Adilson Ribeiro iha nia edifísiu, Kinta (06/02/2020) iha Díli.

Nia dehan tan parte ekipa la aseita ho dezisaun SEJD nian, tanba kada klubu sira fo servisu ba jogador kuaze ema nain 24 ou 25 aumenta tan ho treinador inklui asistente treinador, mesmu oituan maibe ne’e hanesan dalan ida hodi hamenus dezempregu.

“Tanba ne’e maka husu ba SEJD atu tetu didiak desisaun sira ne’e no diak liutan maka rona mos prekupasaun husi klubu sira hotu, bele hapara subsídiu ba klubu sira maibe presiza kria kondisaun liu liu infrastrutura nune ekipa sira bele fa’an bilete nune bele fo mos rendementu ba klubu, mais agora maka hapara subsídiu hau hanoin liga tinan ne’e sei la lao ho diak,” dehan nia.

Nunee mos, Prezidente ekipa futebol Assalam, Ipolito Soares, hatete hanesan Prezidente respeita tebes ho dezisaun SEJD, maibe tenki hanoin mos katak liu husi subsídiu ne’e hodi dezemvolve talentu joventude sira iha rai ne’e.

“Hau ladun konkorda governu liu husi SEJD atu hapara subsídiu ba klubu sira, tanba orsamentu ne’e laos klubu mak uja maibe atraves liu husi klubu ba fali joventude ou jogador sira. Agora ita nia futebol komesa lao diak to’o ona nivel internasional maka hapara fali subsídiu ne’e triste no hau ladun konkorda,” dehan Ipolito Soares.

Nia dehan tan Liga ne’e lao tanba Governu maka inisia, agora sei governu hapara subsídiu ne’e governu sente atinji ona objektivu balun ona ou lae, tenki haree didiak, tanba kuandu investe ona presiza iha rezultadu, laos ohin investe aban lakoi fali ne’e signifika laiha planu.

Iha parte seluk, responsavel ekipa futebol Santa Cruz João Campos hatete relasiona ho hapara subsídiu ne’e, seidauk iha serteza, tanba seidauk iha dezisaun ida ne’ebé nia kontiudu ne’e legalmente.

“Hau laiha razaun aseita ou lae, tanba ne’e maka ita hein deit, espera ba futuru sei aloka orsamentu ba futeból. Tanba ne’e maka husu ba SEJD, LFA no FIFA presiza tur hamutuk haree asuntu ne’e, ami seidauk esklarese buat ida ba SEJD nia dezisaun, ami mos seidauk parte legal ida atu hapara subsídiu ba klubu,” dehan João Campos.

Nunee mos, Prezidente ekipa Ponta Leste, Osorio Florindo, hatete liga ne’e moris hahu iha tinan 2016, mai husi Governu no Governu maka nain ba liga ne’e no FFTL apoiu teknik deit, FFTL la investe osan ba klubu.

“Agora ita nain maka para derepente iha dalan klaran entermos suporta ba klubu sira ne’e, ita nia hanoin ne’e oinsa, durante ne’e Governu fó osan ba klubu ne’e hanesan investimentu ga subsídiu, sei ita fo hanesan investimentu signifika katak governu halo ona avaliasaun durante tinan 4 ne’e Governu investe no klubu sira ne’e bele mandiri ona, se ho razaun ida ne’e hau hanoin Governu haree tok hira mak sira halo investe, benefisio oinsa ba klubu sira, governu bele halo avaliasaun no bele la fo,” dehan Osorio.

Nia dehan tan mais kuandu dehan subsídiu signifika katak governu ajuda klubu laos 100%, osan ne’e mos foin maka fo iha tinan 2017  ne’e foin lalais ne’e. Subsídiu ne’e hanesan halo kma’an klubu sira, agora sei hakarak hapara signifika katak todan ne’ebé durante ne’e klubu responsabiliza hela ne’e tenki halis ba sorin.

“Hau hanoin iha kongresu LFA nian ne’e tenki diside ona parte ne’ebé iha benefisio ba klubu tantu FFTL ou SEJD, tanba ne’e maka futuru lideransa LFA agora ne’e presiza servisu hamutuk ho FFTL, SEJD. Tanba ita mos haree FFTL nia osan ne’ebé mai laos hanesan uluk, mais agora FFTL iha ona osan tanba hetan apoiu husi FIFA no AFC,” dehan nia. Nes


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker