GMN TV Desporto AFC Kastigu FFTL, Estrutura FFTL diak liu rezigna an

AFC Kastigu FFTL, Estrutura FFTL diak liu rezigna an

0 views

Vise Coordenador AMANTE, Domingos Belo Ximenes ‘ Dukai’, husu ba ema sira ne’ebe tur iha estrutura Federsaun Futebol Timor Leste (FFTL) atual atu ho honesto rezigna an tamba aktu nebe esturura nee komete halo Konfederasaun Futebol Ázia (AFC) kastigu Timor Leste labele tuir jogu taça Aziatika 2023 mai.

Eis jogador Selesaun Nasional Timor Leste nee ba Jornal Nacional Diario, Domingo horseik via telefone hatete katak problema naturalizasaun nee grave, nee laos FFTL mak komete krime falsifikasaun dokumentu ba jogador naturalizasaun maibe ema sira individu iha estrutura FFTL laran mak komete krime, tan nee tenki prosesu tuir lei nebe vigor iha rai laran.

“ Diak liu estrutura FFTL nian agora nee rezigna an hodi fo fali ba ema seluk nebe servisu diak atu lori desportu futebol nee ba oin” dehan Domingos Belo.

Nia hatutan sasaun nebe AFC fo ba Timor  Leste hodi label tuir jogu ba taça Aziatika 2023 mai nee haree ba deignidade, derota boot ba timor Timor Leste .

Nia hatutan tan katak problema nee la resolve mak povu tomak nebe hadomi Futebol nee sei tun halo manifestasaun kontra estrutura FFTL nebe halo moe Timor Leste ninia naran iha mundo internasional.

Nia realsa tan katak estrutura FFTL nian agora nee rezigna an hodi konvoka kongresu atu hili estrutura foun hodi nunee buka dalan ba resolve problema nee ho AFC atu oinsa bele hadia FFTL ninian naran no hasai sasaun nebe iha.

Nia fiar katak esturutura foun mai nee bele resolve problema naturalizasaun tamba  nee problema internal Timor Leste nian.

“Problema interna ita hadia, ita bele haruka ba AFC hodi bele hasai sasaun nebe fob a FFTL”dehan Dukai.

Tuir komunikadu imprensa AFC ne’ebé publika iha sítiu www.goal.com esplika katak, desizaun ne’e foti iha reuniaun ida iha Sesta feira (20/1), iha Komité Disiplinar AFC ne’ebé hala’o iha Kuala Lumpur-Malásia, ne’ebé hetan mós partisipasaun husi Sekretariu Jeral FFTL, Amandio de Araújo Sarmento, relasiona ho falsifikasaun dokumentus naturalizasaun jogadores Brazileirus 12.

Kazu falsifikasaun dokumentus naturalizasaun ne’e komete husi funsionáriu FFTL nian, Gelasio da Silva Carvalho, ne’ebé konsidera, kauza husi falsifikasaun dokumentus ne’e, halo ona jogu futebol sai husi prinsípiu jogu fair-play.

Antes ne’e AFC halo ona investigasaun ba kazu refere desde 9 Juñu 2016. Iha momentu ne’ebá, AFC investiga jogador ne’ebé la legál atu joga husi TL iha faze play-off kualifikasaun Taça Ázia 2019, iha dia 2 no 6 Juñu 2016. Investigasaun ne’e rasik hala’o husi AFC hamutuk ho FIFA.

Rezultadu husi investigasaun ne’e, identifika katak, iha jogadores 12 husi Brazil. No entre sira ne’e balun reforsa no joga ona iha klubu sira Indonesia nian, ne’ebé rejistadu iha sistema Administrasaun AFC nian.

Maibé depois ne’e sira falsifika sira nia moris fatin ou sertidaun baptismu Timor Leste nian. Iha dokumentu falsifikasaun ne’e, verifika katak sira nia inan ou aman moris iha TL. Nune’e sira reforsa ekipa nasionál TL.

Maibé ikus mai iha investigasaun nia laran la hetan provas katak jogador sira ne’e sidadaun TL nian.

Husi jogadores 12 ne’e, iha jogadores na’in 9 rejistadu katak, reforsa ona ekipa nasionál TL hodi joga ona dala 29 iha juridisaun AFC nia okos no jogu dala hitu ne’ebé organiza husi FIFA. Sansaun forte ne’e mós ikus mai AFC hatun ba FFTL.

“Komite desidi hasai FFTL husi Taça Ázia 2023 no multa 20 mill dollares amerikanus. Komite mós desidi katak, proibi Amandio atu hola parte iha atividade futebol ho nia durasaun durante tinan tolu (3) no multa US$ 9.000.00”, relata AFC.

“Relasaun ho jogu ba dala 29 ne’ebé jogador sira la priensi kritériu maibé hola parte ona iha jogu ne’e, ikus mai komite disidi FFTL tenki lakon sira nia kompetisaun ho multa US$ 56.000,00 no suspensaun provatóriu durante tinan rua”.

Alénde ne’e, komite AFC mós fó multa ba Gelasio ho kuantia US$ 3,000.00. Nune’e mós AFC husu ba FIFA atu reforsa sira nia desizaun ne’e hasoru Amandio para bele iha efeitu ba mundu tomak, alénde ne’e fó mós samada atensaun ba FFTL tanba uza ona jogadores ne’ebé la tuir kritériu hodi tuir kompetisaun dala hitu ne’ebé FIFA organiza.

Lista jogadores na’in 12 ne’ebé konsidera FFTL falsifika sira dokumentus sai sidadaun Timor Leste, maka hanesan, Ramon de Lima Saro, Paulo Helber Rosa Ribeiro, Diogo Santos Rangel, Rodrigo Sousa Silva, Patrick Fabiano Alves Nobrega Luz, Paulo Cesar da Silva Martins, Jairo Pinheiro Palmeira Neto, Felipe Bertoldo do Santos, Junior Aparecido Guimaro de Souza, Jaime Celestino Dias Braganca, Heberty Fernandes de Andrade no Thiago dos Santos Cunha.rau/*


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker