GMN TV Desporto CONTL ho ONU iha TL asina MoU, Hametin kooperasaun desportiva

CONTL ho ONU iha TL asina MoU, Hametin kooperasaun desportiva

0 views

Comitê Olimpíco Nacionál Timor-Leste (CONTL) ho Organizasaun Nações Unidas (ONU) iha Timor-Leste (TL) asina nota  memorandu kona-ba koperasaun servisu involvementu desportu atu garante moris saude saudavel hodi kontribui ba dezenvolvimentu sustentavel. 

Asina nota memorandu entre CONTL ho ONU iha Timor-Leste ne'e hala'o iha salaun konferense UN Kaikoli Díli, Sesta (10/05/2019).

Memorandu ne'e asina husi primeiru vice prezidente CONTL, Mateus da Cruz de Carvalho no kordenador ONU iha Timor-Leste, Roy Trivedy.

Hafoin asina tiha nota memorandu, Mateus hateten partisipasaun desportu núdar dalan ida atu mantein saude ne'ebé saudavel no konstroi karakter ema nian hodi prezerva ambiente saudavel hodi kontribui ba dezenvolvimentu sustentavel.

"Hau hanoin katak, ne'e pasu positivu ida, ita hakarak joven sira mos partisipa iha prosesu dezenvolvementu nasionál, e iha programa ida ne'e planu barak teb-tebes, desportu iha buat rua, saude no fiziku prestasaun. Ho ida ne'e bele mos atu hadók àn husi droga, fuma, tua krime no seluk tan, tanba ne'e ho akordu ne'e atu UN bele fó formasaun ba sira (atletas prestasaun), para sira mos tun ba baze hodi divulga informasaun hirak ne'e,  " hateten Vise I CONTL, Mateus Da Cruz De Carvalho.

"Ida ne'e foin primeira vez, la'os atu involve modalidade desportu hotu atu partisipa, maibe ita koko fó uluk na'in 10 ka 14 tuir formasaun, e depois ita sei identifika, maibe klaru katak sei hili atleta sira ne'ebe ho prestastasaun di'ak iha nivel nasionál, rejionál no Internasionál," hatutan Mateus.

Kordenador ONU iha Timor-Leste, Roy Trivedy  hateten desportu mak promove toleransia respeitu no fó kontribuisaun ba paz iha país ida no mundu tomak.

"Ami kontente sai parseiru ho ONC iha Timor-Leste. Ami rekuinñe kontribuisaun desportu nian ne'ebe la'o dadauk hela ba realizasaun dezenvolvimentu iha mundu tomak. Desportu promove toleransia no respeitu, desportu fó kontribuisaun hodi haforsa feto no foinsa'e sira, komunidade no ajuda impulsa objetivu hetan isin diak, edukasaun no inkluzaun sosial," hateten Kordenador ONU iha Timor-Leste, Roy Trivedy.

Akordu servisu hamutuk entre instituisaun rua ba dahuluk ne'e durante to'o tinan rua no posibilidade sei iha kontinuasaun. Ito


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker