Ekipa Musila lidera grupo C hafoin koileta pontus 3 husi festa golu ba guarda rede RTTL ep ho skor 6-2 iha kontinuasaun GMN cup nebe realiza iha kampo futebol DIT.
Iha primeira parte ekipa Musila nebe tun ho nia jogador prinsipal nebe nakonu ho esperensia fo kedas presaun ba ekipa RTTL ep maibe parte defesa RTTL ep sei bele kontrola presaun ne’e hodi la rezulta golu.
Jogu kontinua lao, ekipa Musila nafatin fo presaun ba ekipa RTTL ep, liu husi pasajen nebe furak ekipa Musila marka golu dahuluk hodi halo skor 1-0, maske lidera ho skor 1-0 ekipa Musila fo nafatin presaun ba ekipa RTTL ep no antes termina Musila marka tan golu rua hodi halo skor 3-0 to’o primeira parte remata.
Tama ba segunda parte ekipa RTTL ep halo mudansa ba jogador no konsege responde kedas golu ida ba guarda rede Musila hodi muda skor ba 3-1, maibe la kleur deit ekipa Musila responde fali golu ida ba RTTL ep no halo skor 4-1, la para iha ne’e ekipa Musila nafatin marka tan golu ida hodi halo skor 5-1, maibe ekipa RTTL ep liu husi kontra atake ida konsege responde fali golu ida ba guarda rede Musila hodi muda skor ba 2-5.
Jogu kontinua lao ekipa RTTL ep komesa halo mudansa ba tatika hodi fo presaun ba Musila maibe la konsege produs golu, ho kalma ekipa Musila fo fali presaun ba ekipa RTTL ep no konsege marka tan golu ida hodi halo skor 6-2 to’o segunda parte remata. Nes
