Ekipa Futeból GMN lidera grupo D ho pontus 6 hafoin iha jogu ba daruak manan ekipa BNU ho skor 4-0 iha kontinuasaun GMN cup ba daruk nebe hala’o iha kampo futebol DIT.
Iha primeira parte ekipa rua nebe tun ho jogador prinsipal hahu kedas ho kontra atake, jogu lao ho tendensia as ekipa GMN tenta halo presaun ba ekipa BNU maibe larezulta golu, ekipa BNU halo mos presaun ba area defesa husi GMN maibe la konsege marka golu tanba parte defesa sei bele netraliza atake ho diak.
Antes termina segunda parte ekipa GMN hala mudansa ba tatika hodi fo presaun ba ekipa BNU no liu husi presaun ne’e konsege marka golu ida hodi halo skor ba 1-0, to’o primeiru parte remata.
Hafoin deskansa minutu 15 tama fali ba segunda parte ekipa GMN nebe lidera hela ho skor 1-0 fo kedas presaun ba ekipa BNU maibe ekipa BNU sei bele netraliza presaun ne’e.
Jogu kontinua lao ekipa BNU komesa halo mudansa ba nia jogador, ho mudansa ne’e ekipa BNU komesa halo ameasa ba area defesa husi ekipa GMN maibe nafatin la konsege produs golu, ho ida ne’e ekipa GMN mos hahu halo mudansa ba jogador, ho mudansa ne’e ekipa GMN fo presaun ba area defesa husi BNU no konsege marka tan golu tolu hodi halo skor 4-0 to’o jogu remata. Nes
