GMN TV Desporto AL-PNTL reativa atividade arte marsiál tolu iha Liquiça

AL-PNTL reativa atividade arte marsiál tolu iha Liquiça

482 views

Autoridade Lokál (AL) hamutuk Polísia Nasionál Timor-Leste (PNTL) reativa ona atividade arte marsiál tolu hanesan, Persaudaraan Setia Hati Terate (PSHT), Ikatan Kera Sakti (IKS) no Kmanek Oan Rai Klaran (KORK), hodi kontinua atividade treinu hanesan bai-bain.

Reprezentante Sekretáriu Estadu Juventude no Desportu (SEJD), Fernando da Costa hatete, Governu reativa atividade arte marsiál ne’e, atu re-integra hikas grupu arte marsiál tolu ne’e ba sosiedade, no importante mak tenke kria nafatin paz no estabilidade, luta hasoru probreza iha rai-laran.

Reprezentante Sekretáriu Estadu Juventude no Desportu (SEJD), Fernando da Costa. FOTO:GMN

“Imi tenke involve iha luta ka kombate hasoru ki’ak, luta hasa’e produsaun agrikultura, luta ba meiu ambiente, sira ne’e hotu parte ida husi ita hotu-hotu nia luta,” dehan Reprezentante SEJD, Fernando da Costa, iha Liquiça, semana kotuk.

Administradór Munisípiu Liquiça, Pedro Paul Gomes afirma, arte marsiál tolu ne’e bele ona hala’o atividade treinu hanesan bai-bain, importante mak kaer metin lema “Desportu Unidade Nasionál”.

Nia esplika, iha tempu rezisténsia, partisipasaun organizasaun arte marsiál no arte ritual mós importante tebes, tanba luta hasoru inimigu sira to’o hetan ukun rasik an. Nune’e iha ukun rasik an, hamutuk dezenvolve fali nasaun.

“Alin sira tenke kuda nafatin patriotismu, nasionalismu atu bele depende rai ida ne’e iha momentu saida deit, ne’e duni atu asegura rai ida ne’e, presiza partisipasaun ita hotu nian, tane dignidade no respeitu valór ukun rasik-an ida ne’e” tenik Administradór Munisípiu Liquiça.

Koordenadór Jerál PSHT Munisípiu Liquiça, Horacio Cardoso, promete sei servisu hamutuk ho autoridade lokál no autoridade seguransa, hodi hametin nafatin estabilidade iha rai-laran.

“Ba oin ne’e sempre servisu hamutuk ho entidade tomak, liu-liu autoridade seguransa, para haree dezenvolvimentu iha munisípiu ida bele la’o hakmatek” promete Horacio Cardoso.

Arte marsiál PSHT, IKS no KORK, Governu deside taka iha tinan 2013, ho rezolusaun númeru 16/2013, tanba konsidera kria instabilidade iha rai-laran. Maibé iha semana kotuk, Primeiru Ministru, Taur Matan Ruak, reativa fali-fila hodi reintegra ba sosiedade.

Mesmu atividade arte marsiál reativa ona, maibé Governu nafatin aplika Lei númeru 5/2017, kona-bá “Lei Armas Brancas” no rezolusaun númeru 4/2020, hodi regula atividade arte marsiál no artre rituál hotu iha terrtótiu nasionál.

Membru PSHT iha Munisípiu Liquiça hamutuk rihun ida resin, kompostu mane 800 resin no feto 200 resin.

Alénde reativa atividade arte marsiál iha Liquiça, autoridade lokál no PNTL Munisípiu Díli realiza mós abertura ba atividade organizasaun PSHT nian iha Postu Administrativu Metinaro.Aba


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker