GMN TV Desporto Jorge Serrano: Torneiu GMN Cup atu hametin amizade ho instituisaun hotu

Jorge Serrano: Torneiu GMN Cup atu hametin amizade ho instituisaun hotu

109 views

Prezidente Konsellu Administrasaun GMN,S.A, Jorge Manuel de Araújo Serrano,  hatete, torneiu GMN Cup, ne’ebé hala’o iha tinan ne’e, atu hametin liu tan amizade entre GMN (Grupo Média Nacional) ho instituisaun hotu.

Taxa GMN Cup durante tinan rua labele realiza, tanba pandemia COVID 19, ne’ebé mundu tomak infrenta. Maibé tinan ne’e, GMN realiza hikas torneiu ne’e ba dala tolu ho ekipa ne’ebé partisipa hamutuk 16.

Jorge Manuel de Araújo Serrano, husik hela lia menon katak, torneiu GMN Cup la’ós atu manan taxa ne’ebé iha, maibé oinsá atu hametin liutan lasu amizade entre instituisaun sira seluk ho GMN.

“Eventu ida ne’e halo la’ós atu buka manán taxa, manán prémiu, maibé atu hametin nafatin relasaun di’ak durante ida ne’e, GMN ho instituisaun hot-hotu, instituisaun média sira, parseiru sira, patrosinadór sira ne’ebé mai husi kedas 2003 to’o ohin loron no ho parseiru sira seluk. Ha’u lori GMN nia naran agradese ba hot-hotu nia apoiu, espera katak, torneiu ne’e la’o di’ak, ha’u agradese ba hot-hotu,” dehan Prezidente Konsellu Administrasaun GMN, SA, Jorge Manuel de Araújo Serano, iha Díli, Domingu (22/5/2022).

Segundu Komandante PNTL Munisípiu Díli, Superintendente João Sancho Pires, afirma, PNTL sei fó seguransa ba realizasaun torneiu GMN Cup ne’e.

“Komando Munisípiu Díli parseiru nafatin ho GMN para oinsá atu bele la’o iha atividade jogu ne’ebé la’o, se buat ruma Komando Munisípiu Díli prontu atu fó seguransa ba eventu ne’e. Tanba ne’e, seguransa ne’e iha hot-hotu nia liman, la’ós polísia mesak deit, maibé iha hot-hotu nia liman” tenik João Sancho Pires.

Xefe Komisaun Organizadora, Isabel Fernandes, agradese ba ekipa ne’ebé partisipa iha torneiu GMN Cup ba da-tolu ne’e, no mós patrosinadór hotu ne’ebé apoiu hodi realiza jogu ne’e.

“Eventu GMN Cup ne’e hetan apoiu mos husi Maun Oka Laran Diak. Obrigado mos ba jerente husi ekipa 16 ne’ebé mak ohin hola parte iha abertura ba taxa rotativa ba GMN Cup ba dala tolu ida ne’e. Taxa rotativa ida ne’e konsege paradu iha tinan rua liu ba tanba situasaun globál pandemia COVID-19 ita labele realiza ho di’ak, maibé ba tinan 2022 ita bele realiza fali taxa rotativa GMN cup ba datolu” tenik Isabel Fernandes.

Taxa GMN Cup ne’e hetan apoiu husi patrosinadór prinsipál Maun Oka Laran Diak Rudal 7984, no mós emprezáriu Timor-oan sira hanesan, Haksolok LDA no Santana Moniz Junior.Nes


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker