Sekretáriu Estadu Juventude no Desportu, Abrão Saldanha, hatete nia parte sei koalia ho Embaxada Cuba no Filipina, atu haruka Boxista sira husi Timor - Leste ba halo treinamentu iha nasaun rua ne’e hodi aumenta sira nia konesimentu tékniku atu bele hadi’ak prestasaun iha futuru.
Governante ne’e dehan tan nasaun Cuba ho Filipina ne’e, Governu sei hili nasaun ida hodi haruka Atleta boxista Timor-oan sira ba tuir treinamentu, molok partisipa eventu Sea Games no eventu internasional sira seluk.
Planu atu haruka atleta boxista sira ba tuir treinamentu iha nasaun hirak ne’e hodi hadia kualidade, kapasidade no téknika atleta sira nian nune’e bele hetan prestasaun idak iha eventu sira internasional sira tuir mai.
Tinan ne’e boxista timor-oan hatudu prestasaun diak, tanba partisipasaun Timor- Leste nian iha Sea Games iha Vietnam hetan medalla osan mutin, tanba lakon iha jogu finál kontra boxiste Filipina. JND
