Líder Nasionál Kay Rala Xanana Gusmão, fó apresiasaun ba atleta Timor-oan Sira tanba lori medalla lima mai Timor-Leste husi eventu Sea Games.
Kay Rala Xanana Gusmão hato’o apresiasaun ne’e iha sorumutu ho delegasaun Sea Games, ne’ebé akompañadu husi Prezidente Komité Olímpiku Nasionál Timor-Leste, Francisco Kalbuadi Lay.
Kay Rala Xanana Gusmão, apresia atleta sira ne’e, tanba maske la lori medalla osan mean, maibe medalla osan mutin no metan ne’e mos hatudu katak, Timor bele duni. Tanba ne’e, Xanana husu ba atleta sira atu esforsu nafatin hodi hadi’ak liu tan kualidade.
“Medalla sira ne’eba ne’e ita lori hotu mai, dala ruma rai-balun kuandu ba, fila-fali la lori buat ida, maibe ita konsege lori lima. Ne’e iha ona ninia signifikadu. Ninia signifikadu ne’e mak ita mos bele, katak, bainhira ita esforsu nafatin, esforsu ho di’ak hatudu katak ita mos bele, no ita bele duni. Ne’eduni apezár difikuldade oi-oin ne’ebé ita kompriende iha situasaun COVID nia laran, iha situasaun seluk nia laran tan, ha’u apresia tebes,”dehan eis Prezidente Repúblika Xanana Gusmão iha Díli, Segunda (6/6/2022).
Modalidade sira ne’ebé hetan medalla iha eventu Sea Games tinan ne’e iha Vietnam mak hanesan, Atletizmu, Boxing no Taekwondo.Nes
