GMN TV Desporto PR despede atleta na’in tolu antes dezloka ba Japaun

PR despede atleta na’in tolu antes dezloka ba Japaun

15 views

Prezidente Repúblika (PR), Francisco Guterres Lú Olo, halo seremonia despedida ho atleta na’in tolu ne’ebé sei partisipa Jogu Olímpiku Internasional iha nasaun Japaun, kapitál Tókiu.

Eventu ne’ebé refere sei partisipa husi nasaun atus rua neen, ne’ebé atleta husi nasaun ida-idak mai ho modalidade oi-oin. Nune’e mós jogu sei hala’o durante fulan ida, hahú husi loron 23 fulan Jullu no sei remata iha loron 08 fulan Agustu tinan ne’e.

Iha seremonia despedidade refere, Xefe Estadu, Francisco Guterres Lú Olo, kongratula no enkoraja altleta sira atu partisipa ho diak, tanba reprezenta povu no nasaun Timor-Leste hodi partispa iha eventu internasionál refere.

“Prezidente Repúblika enkoraja ita bao’ot sira atu haktuir ita nia beiala sira katak sei kompete ho aten-brani no neon metin ho forsa no vontade maka’as, determinasaun no presistensia ita bo’ot sira nia partisipasaun iha jogu olímpiku iha tókiu fó ona orgullu no onra bo’ot ida ba ita nia nasaun, Prezidente repúblika hein katak ita bo’ot sira bele hatudu ba mundu katak, nasaun ki’ik ida hanesan ita ni’an bele mós compete iha nível internasionál, karik ita bo’ot sira manan medalla ruma, sei onra bo’ot liu tan ba Timor-Leste”, dehan Xefe Estadu, Francisco Guterres Lú Olo, liuhusi nia diskursu iha seremonia despedida ne’e iha Palásiu Prezidensiál Bairo-Pite, Sesta (09/07/2021).

Sekretáriu Estadu Juventude no Desportu (SEJD), Abrão Saldanha Nokosiko hateten, maske dadaun ne’e nasaun no povu Timor-Leste enfrenta hela pandemia coronavírus, maibé atleta na’in tolu ne’e sei reprezenta povu no nasaun TL hodi partisipa jogu olímpiku ho nasaun atus rua neen, ne’ebé nia atleta sira mai ho modalidade oi-oin.

Jogu olímpiku ne’e governante ne’e iha esperansa Timor-Leste sei hetan vitória, maske hasoru hela situasaun difísil oi-oin.

“Timor-Leste ni’an jogu olímpiku tókio tinan ida ne’e iha tókio iha ita nia delagasaun na’in tolu iha modalidade rua atletismu ne’ebé reprezenta husi atleta felisberto de deus ne’ebé sei bah alai 1500 metru, iha modalidade natasaun reprezenta husi atleta imelda felicita ximenes belo no atleta josé joão da sílva ne’ebé sei ba nani ho 50 metrus, ita nia dezisaun atu ba partisipa jogu olímpiku ne’e hanesan obrigasaun husi estadu membru ba komíte olímpiku internasional li-liu atu hatudu ita mesmu ita difikuldade oi-oin iha pandemia no dezastre naturais, maibé ita hanesan povu ita iha esperansa ita hatudu ita nia ezistensia”.

Atleta Imelda Felicita Ximenes belo deklara durante ne’e sira hasoru difikuldade barak, maibé promete sei esforsu atu bele hetan vitória iha partisipasaun jogu olímpiku tinan 2021.

“Tuir kondisaun ne’ebé ke iha ami prepara tuir ita timor nia kondisaun ne’ebé iha, mais difikuldade barak mak ami enfrenta, mais nafatin ami ho espiritu hodi bele prepara di’ak liu tan partisipa iha jogu olímpiku, fgízikamente ami prontu atu partisipa, difikuldade ne’ebé ami enfrenta ne’e mak hanesan infrastrutura hanesan swimming hanesan baa mi nia maluk atletiku dalan ne’ebé sira halai prejiza iha ninia kampu rasik”.

Orsamentu ba apoiu partisipasaun Jogu Olímpiku Internasional ne’e ho montante dolár amerikanu rihun haat nulu resin.

Despeza bo’ot mak li-liu iha viajen atleta sira ni’an, tanba dadaun ne’e laiha vó komersiál halo kustu sai karun liu tan.

Atleta na’in tolu ne’ebé sei partisipa iha eventu ne’e kompostu, Imelda Felicyta Ximenes Belo, Felisberto de Deus no josé João Viegas da Silva.Ina


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker