GMN TV Desporto Partisipa Asian Games, PR husu Atleta TL hatudu espíritu kompetitivu

Partisipa Asian Games, PR husu Atleta TL hatudu espíritu kompetitivu

1 views

Prezidente Repúblika (PR), Francisco Guterres ‘Lu-Olo’, enkoraja hodi motiva atleta Timor-oan sira ne’ebé partisipa iha Asian Games-Indonesia, atu hatudu espíritu kompetitivu ba komunidade internasional sira katak, Timor Leste (TL) bele ona kompete iha eventu internasional sira.

Timor-Leste partisipa iha eventu Asian Games ne’e, ho atleta husi modalidade hamutuk 12, no Kinta (16/8/18), modalidade 10 mak hala’o despedida ho Prezidente Repúblika, iha Palasiu Prezidensial Bairu Pite, Díli, tamba modalidade rua aranka uluk on aba Indonesia.

“Ida  ne’e nu’udar segunda vez atleta sira mai hodi rona lia menon husi Prezidente  Repúblika, para lori ita bo’ot sira hala’o kompetisaun iha Asian Games. Timor Leste ita hotu hatene, katak ita-nia rai kiik ida, ne’ebé foin hetan ukun rasik-an iha tinan hirak nia laran to’o agora, iha kompetisaun  ne’e, imi nain hira ne’ebé partisipa ho naran ketak-ketak, maibe imi nain hira ne’e ba deit ho naran ida mak naran Timor Leste,”dehan Lú Olo ba Atleta sira iha serimonia  despedida, ne’ebé hala’o iha Palasiu Prezidensial.

PR Lú Olo, hatutan atleta sira ne’e ba lori Timor Leste nia naran, atu halo dezafiu iha kompetisaun, sei hatudu atleta sira ne’e ida idak nia abilidade liu husi sira-nia talentu, ne’ebé ba ho modalidade ketak ketak, ne’e hatudu katak , iha ukun rasik a’an, atleta sira ne’e ba para atu foti Timor nia naran, povu nia naran  iha komunidade internasional.

Iha fatin hanesan, Sekretáriu Estadu Juventude no Desportu, Nelio Isac, hatete, despedida ho Xefi Estadu ne’e ho objetivu atu hetan liafuan korajen no motivasaun husi PR nu’udar aman ba nasaun, ba atleta sira, tamba atleta sira ne’e lori misaun  importante hodi hala’o kompetisaun desportiva, iha festa desportiva  Aziatiku nian.

“Partisipasaun Timor Leste ba eventu ida ne’e ho atleta hamutuk 65. Total delegasaun hamutu 100 resin, ho partisipasaun ba modalidade hamutuk 12, modalidade rua Futebol no tiru aranka uluk ona, iha semana hirak liu ba, no ohin (horseik) delegasaun ikus kontijente Timor nian ho modalidade hamutuk 10  deskola ba Indonesia,”akresenta Nelio.

Entretantu Mateus da Cruz, nu’udar Xefi Misaun ba Delegasaun Desportu Timor Leste, hatutan, nia akompaña atleta sira iha Asian Games,  agradese ba Prezidente Repúblika nia lia menon ne’e, ba atleta hirak ne’e lori nasaun nia naran ba rai seluk.

“Mensajen Xefi Estadu nian ne’e, hanesan dignidade nasaun nian ami tenki tau a’as iha ami-nia kabás, atu reprezenta nasaun, lakon ka manan ne’e ba nasaun hotu  ba hakarak para manan la iha ida hakarak  atu lakon, maibe ba ita importante liu mak tane a’as dignidade nasaun nian,  liu komportmaneu no hahalok ami sei hato’o ida ne’e ba atleta sira,”subliña Mateus.Oly


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker