GMN TV Desporto Sikilista nasional protesta komisaun organizadora TdT 2017

Sikilista nasional protesta komisaun organizadora TdT 2017

1 views

Sikilista nasional sira, Tersa (19/09) halo asaun protesta kontra komisaun organizadora Tour de Timor (TdT) tanba konsidera komisaun organizadora halo deskriminasaun ba siklista Timor-oan.

Sikilista nasional ema na'in 40 resin halo asaun protesta hasoru komisaun organizadora Tour de Timor  iha Palasiu Governu oin tanba  la autoriza atu kompete iha klase Internasional.

Ho problema nebe konsidera diskriminativu ne'e sikilista sira deside hodi la partisipa  iha eventu Tour de Timor tinan ida ne'e.

Siklista Jacinto da Costa, hateten,  sira la kontente ho desizaun komisaun organizadora tanba la autoriza siklista Timor-oan kompete iha klase Internasional.

“Ami la kontente, wainhira komisaun Tour de Timor halo fali diferente nasional no Internasional. Komisaun Tour de Timor dehan, nasional labele kompete ba klase Internasional nian, maske nune’e ami siklista Timor-oan prontu ona,” Jacinto da Costa, ba GMN iha Cional Lecidere-Díli, hafoin Tersa –feira nee hato’o petisaun ba eis Sekretariu Estadu Juventude no Desportu, Leovigildo da Costa Hornai.

Sikilista nasional Aderito Roasario Soares mos kestiona servisu komisaun organizadora Tour de Timor tanba komisaun organizadora la kria komunikasaun diak.

“Problema mak kona-bá kestões informasaun ne’ebé mai laklaru tanba loron ohin (horseik-Reed) atu hahu eventu e ami foin rona iha loron ida-rua liu bá e sira komisaun la fó briefing kona-bá oinsa lala’ok no kestaun tekniku nian, maibe komisaun fó briefing deit ba sikilista sira internasional nian” dehan Aderito Rosario Soares.

Nia dehan tan, sikilista nasional sira buka tuir komisaun no to’o iha sira fatin atu asesu informasaun maibe komisaun organizadora lakohi fo resposta ba preokupasaun ne’e.

Siklista Timor-oan ne’e espera katak, komisaun organizadora sei bele halo melloramentu failansu hirak ne’e, hodi tau importansia mos sikilista Timor-oan sira hodi partisipa mos iha klase Internasional nian.

Hatan ba petisaun ne'e, Leovigildo da Costa Hornai, dehan, kona-bá kestaun ne’e responsabilidade husi komisaun organizadora Tour de Timor  nian.

“Hau hanoin katak, sikilista nasional sira mos preokupa direitu atu partisipa iha eventu Tour de Timor ne’e. Eventu ne’e hetan finansia mos husi governu, maibe komisaun organizadora mak responsabiliza, e atu hateten lolos prosesu tekniku nian ne’e komisaun organizadora mak bele fó resposta, tanba ne’e governu la hola parte,” salienta Nia.

Iha biban ne’e, sikilista Timor-oan sira hato'o karta protesta ba Sekretariu Estadu Juventude no Desportu, Parlamentu Nacional inklui Prezidente Repúblika. To'o notisia ne'e públika, GMN seidauk  konfirma ho komisaun organizadora Tour de Timor ba tinan 2017. Ito


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker