GMN TV Desporto ANPLTL promove nasaun, Governu seidauk rekoñese

ANPLTL promove nasaun, Governu seidauk rekoñese

2 views

Atleta Nasional Para Límpiku Timor-Leste (ANPLTL), Teófilo Freitas, senti tristi, tanba durante jogu daruak ne’ebé hala’o iha Malaysia no iha Jakarta, Indonesia, sira lori vitoria no hamorin ona Timor-Leste (TL) nia naran iha mundu, maibé to’o agora seidauk hetan atensaun husi Governu.

“Ha’u senti kontenti teb-tebes, bele hetan oportunidade mai iha PN, hodi expresa ami-nia sentimentu no deputadu sira senti kontenti tebes, buat ne’ebé maka deputadu sira koalia espera katak sira bele hanoin hetan nafatin,  bele rekoñese ami netik, hanesan iha tinan kotuk 2017, ha’u hetan medalla osan mean rua (2), maibé to’o agora seidauk hetan rekoñesimentu ruma husi parte Governu”, Teófilo Freitas ba jornalista sira iha resintu uma fukun Parlamentu Nasional (PN), hafoin remata enkontru entre ANPLTL ho PN, iha sala konferensia PN, Segunda (15-10-2018).

Nia esplika, mezmu nune’e, la halo ANPLTL Teófilo la baruk atu kompete hodi kontinua defende dignidade nasaun, tanba ne’e maka nia  kontinua esforsu, hodi dada sa’e bandeira TL iha Kuala Lumpur-Malaysia no iha Jakarta-Indonesia, no ANPLTL konsege lori vitoria dala-rua ba TL.

“Antes Asian Para Games, iha 2017, ha’u hetan medalla osan mean rua (2), iha Malaysia, Kuala Lumpur, maibé Estadu seidauk rekoñese ami, iha momentu ne’ebá ha’u ho ha’u-nia kolega Silveiro hetan treseiru lugar no ha’u hetan primeiru lugar dala-rua iha Malaysia, Kuala Lumpur, maibé fila mai simu husi ita-nia Sekretáriu Estadu Juventude no Desportu (SEJD), promete liafuan balun ba ami, maibé sira la kumpri promesa ne’ebé maka iha”,haktuir ANPLTL Teófilo ne’e.

Nia akresenta, mezmu rezultadu kompetisaun iha tinan 2017 ne’e, seidauk hetan rekoñesimentu husi Governu, maibé sei la lakon esperansa, kontinua treinu nafatin maka konsege dada sa’e bandeira no, akompaña ho inu iha Jakarta-Indonesia.

Hatan ba preokupasaun ne’e, primeira Vise Prezidente PN, Maria Sarmento, hateten, PN kompromete sei fó apoiu polítika, moral no fó hanoin ba Governu atu dezenvolve seitor desportu, liu-liu oinsa utiliza Orsamentu Jeral Estadu (OJE) hodi kria kondisaun edifisiu treinu nian, alimentasaun, disiplina, kapasitasaun akadémiku, teoria ho prátika ne’ebé tenki iha balansu ba atleta sira hotu.

“Ida ne’e responsabilidade PN nian atu asegura katak verbas sira iha OJE, liu-liu ba seitor joventude no desportu nian, tenki sai prioridade, atu nune’e fó oportunidade ba joven sira atu explora sira nia potensia ne’ebé maka iha no fó mós oportunidade ba sira atu partisipa kompetisaun iha nivel internasional no rejional sira, atu bele lori TL nia naran boot liu tan iha mundu”,haktuir Maria Sarmento.

Entretantu iha kompetisaun Asian Para Games 2018, iha Jakarta-Indonesia, atleta Teófilo Freitas kontribui medalla osan mean ida no Pasquela Pereira, kontribui bronje ida ba TL. Ves

 


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker