GMN TV Desporto Ekipa konjunta hahú observa preparasaun FBTL ba Sea Games Filipina

Ekipa konjunta hahú observa preparasaun FBTL ba Sea Games Filipina

7 views

Ekipa konjunta kompostu husi Sekretáriu Estadu Joventude no Desportu, Comité Olimpic Nasional Timor Leste, Confederasaun Desportu Timor Leste, inklui Comisaun Nasional Desportu hahu halo observasaun dahuluk ba Federasaun Boxing Timor Leste (FBTL).

Hafoin hare besik atividade preparasaun nebe boxista sira halo iha sasana Tomas Americo vilaverde Representante SEJD Diretur Nasional Desportu João Rodrigues apresia ho preparasaun husi Federasaun Boxing maske ekipamentus la sufsiente.

“Dadaun ne’e ami mai iha boxing hodi hare sira nia preparasaun to’o iha nebe tanba iha fulan Novembru kompetisaun hahu lao, tanba ne’e ita mai hare sira tatika ba jogu Sea Games, tuir hau hare atleta sira iha progresu maibe iha parte ida presija Governu tenki kria kondisaun ba atleta sira liu-liu ekipamentus maibe lataka dalan ba ita atu halo nafatin preparasaun. Mai hau presija tebes hadia fasilidade,” dehan João Rodrigues iha vilaverde, kuarta 29/10/2019

Prezidente Boxing Timor Leste Abrão Dias Quintas hatete durante preparasaun atleta sira iha mudansa siknifikativu maske federasaun seidauk hatene gráfiku boxista husi nasaun seluk maibe garante katak sei hatudu jogu nebe diak.

“Ami halo preparasaun hahu iha fulan agusto to’o agora, hau hare atleta sira iha mudansa maibe ami sei esforsu para boxista sira nia speed atu tuku bele diak liu tan. Ami nia boxista ami garante nia kualidade maibe ami mos seidauk hatene grafiku husi boxista sira nasaun seluk ida ne’e sai difikuldade mai ami tanba ita nunka partisipa iha eventu sira iha liur,” dehan Abrão Dias Quintas.

Ba eventu tinan ne’e iha Filipina Federasaun Boxing sei delega atleta nain hat nebe sei kompete iha klase 52, 60, 64 no 81.

Antes nee Prezidente CDTL Afraino Xavier hatete parte CDTL halo enkontru ho federasaun 12 nebe sei hola parte iha Sea Games Filipina atu fahe orario relasiona ho ekipa konjunta nebe sei halo obeservsaun ida ba preparasaun husi kada federasaun antes ba partisipa iha eventu internasional Sea Games.

“Enkontru ne’e hodi hare fila fali no ami halo ajenda ida ba federasaun 12 tanba iha ekipa konjunta ida mai husi SEJD, CONTL, CDTL no Comisaun Nasional Desportu atu tun direita hodi observa lalaok ou preparasaun husi federasaun sira nebe sei partisipa iha Sea Games Filipina tinan 2019,” dehan Afraino Xavier.

Nia dehan tan hafoin halo observasaun ba federasaun 12, maka sei hato’o rezultadu ba Sekretáriu Estadu Joventude no Desportu kona ba difikuldade saida maka durante ne’e federasaun sira hasoru molok ba kompete iha Sea Games.

“Maske iha enkontru ne’e mosu dezentendementu maibe ida ne’e parte teknik nian, maibe normalmente ami konsege esplika ba federasaun sira no sira mos komprende tanba ne’e situasaun lao diak hela,” dehan nia.

federasaun 12 nebe sei hetan vizita husi ekipa konjunta ne’e maka hanesan silat boxing fakubtil futebol atletismu bisikleta tenis kampo tiru natasaun taekwondo karate no voleybol. Nes


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker