GMN TV Desporto PR Lú Olo husu atleta sira hatudu espíritu disiplina iha SEA GAMES 2019

PR Lú Olo husu atleta sira hatudu espíritu disiplina iha SEA GAMES 2019

0 views

Prezidente Repúblika Francisco Guterres Lú Olo, husu ba atleta  Timor-oan sira ne’ebé atu kompete iha kompetisaun Internasionál Southeast Asian Games (Se Games) tinan 2019, atu hatudu espíritu disiplina hodi hamorin Timor-Leste nia naran iha nasaun seluk.

Atleta Timor-oan sira ne’e, hamutuk   nain 60, ne’ebé kompostu husi feto ho mane.

 “Ha’u rasik simu ita bo’ot sira iha ita-nia uma fukun ida ne’e, hodi despede ita bo’ot sira atu ba partisipa iha Sea Games, iha rai Filipinas. Ha’u hameno deit liafuan rua ba ita bo’ot sira, hakarak hatete, dala  rua ona ha’u simu atleta sira bainhira ba  partisipa iha eventu importante ida ne’e, ha’u sempre hatete, bainhira Timor-oan sira ne’ebé lori Timor nia naran ba  partisipa iha kompetisaun internasional sira, importante tebes ba ita para bele tau kapasidade tomak, propriu,  matenek no talenta hodi bele halo dezafiu ho advesáriu seluk husi nasaun seluk”, relata  Xefe Estadu ne’e  ba  Jornalista sira iha Palásiu Prezidensial Nicolau Lobato Bairo Pité Díli, Sesta (15/11/2019).

Lú Olo akresenta, naturalmente tempu  ne’ebé la sufisiente  ba preparasaun, maibé Xefé Estadu fiar katak, bainhira aseita husi  partisipa iha Sea Games ne’e, klaru aseita  tenke iha ona modalidade jogu ida ida nian, para bele ba kompete, no iha kompetisaun bele hatete katak, bele lakon no bele manan.

Maibé Tuir Xefe Estadu ne’e,  atu manan ka lakon, ne’e rezultadu final ne’ebé lori depois remata halo kompetisaun iha kada modalidade.

“Ha’u husu deit ba ita bo’ot sira, alin sira hotu atu ba partisipa espíritu disiplina nian  importante tebes,  hatudu imi-nia talentu ne’ebé diak, atu manan diak liu tan, pelu menus  bele simu medalla ruma, klaru ké iha ne’e Timor-Leste nia naran mak bo’ot liu”, fudamenta Lú Olo.

Hanesan Prezidente Repúblika, nafatin husu atu hatudu forsa kapasidade no téknika ne’ebé atleta sira iha, para halo dezafiu hodi kompete ho ema seluk no buka nafatin para bele manan iha kada jogu.

“Maske lakon la buat ida, importantre mak imi-nia espíritu disiplina husik hela, atu nune’e ema hotu husi nasaun seluk bele haree katak, Timor-Leste bele duni, ha’u dezeja boa viajen no susesu ba ita  bo’ot sira-nia kompetisaun ida ne’e”, afirma Lú Olo.oly


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker