GMN TV Desporto KRAM: GAM-GAR Hakarak Koko Estadu, Sei Hili “Opsaun” Tolu

KRAM: GAM-GAR Hakarak Koko Estadu, Sei Hili “Opsaun” Tolu

619 views

Prezidente Komisaun Reguladora Arte Marsiál (KRAM) Octávio da Conceição, apela ba Grupu Arte Marsiál (GAM) no Grupu Arte Rituál (GAR), labele sukat sira-nia forsa ho forsa Estadu.

“Ha’u hakarak hateten iha ne’e, ha’u hateten ona iha fatin barak, labele iha grupu ida ka asosisaun ida ka organizasaun ida mak sukat nia forsa ho forsa Estadu, forsa Estadu rua de’it PNTL no F-FDTL, kuandu koko forsa hili dalan tolu de’it, ba Ospitál, ba komarka ou mate,” Octávio da Conceicão, nia diskursu, Kinta (08/12), bainhira sai oradór iha diálogu ho GAM no GAR iha Suku Seloi Kraik, Munisípiu Aileu.

Nia dehan, GAM no GAR balu rejista ona iha Ministériu Justisa, tuir rezolusaun ne’ebé Governu liuhosi reuniaun Konsellu Ministru (KM) iha fulan Fevereiru 2020.

Tanba Primeiru Ministru (PM) Taur Matan Ruak aprezenta ona proposta rezolusaun ne’e hodi halo revogasain ba rezolusaun Govenu númeru 16/2013 ne’ebé bandu GAM no GAR hala’o sira nia atividade.

“Ba imi PSHT, Governu rejista tiha ona iha Ministériu Justisa Dirésaun Kadestrál Servisu Notariadu, imi IKS Governu rejista tiha ona, imi KORK Governu rejista tiha ona, maibé la’os ne’e de’it, rejista prosesu administrativu iha nafatin, responsabilidade lider sira nian atu kontribui, atu kolobora ho Governu ho Komando PNTL, labele ema ida-idak organiza nia a’an iha Aldeia no Suku ida-idak tuir ninia gostu ne’e labele” tenik Octávio.

Diretór Diresaun Nasionál Prevensaun Konflitu Komunitária (DNPKK), António Viegas, mós sujere ba GAM-GAR atu hakmatek hodi kontribui ba estabilidade nasionál, iha prosesu dezenvolvimentu.

“Aktividade diálogu ne’e realiza tanba DNPKK servisu hamutuk ho parseiru Plan Internasionál, atu bele konselida artemarsiáis hotu-hotu ne’ebé konsentra iha fatin ne’e oinsá atu prevene a’an husi konflitus” dehan António Viegas.

Iha Diálogu ne’e, Komandante Polísia Munisípiu Aileu Superintendente Jorge Monteiro, esplika kona-ba seguransa no estabilidade.

“Ha’u dala barak koalia ona ho imi grupu artemarsiáis no rituál, tantu liu husi enkontru ne’ebé liuhosi atividade Konsellu Polisiamentu Komunitária iha nivél Suku sira, kona-bá Konsellu seguransa munisípiu” afirma Komandante PNTL Aileu ne’e.

Dadus ne’ebé GMN asesa, dadaun ne’e Grupu Arte Marsiál no Federasaun 21 mak rejista ona iha KRAM.avi


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker