FC BERMETA KAMPEAUN BA KOMPETISAUN FUTSAL BEBORA CUP 2017

Kompitisiaun Futsal Bebora Cup 2017 realiza durante fulan ida no Ekipa ne’ebe sai Kampeaun ba torneu ida nee mak ekipa FC BERMETA ne’ebé halakon FC RAMELAU durante jogus finais.  Jogu entre ekipa rua iha parte final nee hetan partisipasaun barak hosi apoiantes ekipa rua nomos kuaze komunidade Dili asiste jogu refere.

Iha jogu ne’ebe hala’o iha Kampu Futsal Bebora Domingu loron-30 fulan-Jullu tinan-2017 ekipa rua hatudu atrasaun jogus ne’ebe atrai tebes espektadores sira, jogu final nee ekipa FC BERMETA manan Ekipa FC RAMELAU ho skor 6-4 ho rezultadu ida nee FC BERMETAN sai nudar Kampeaun no iha direitu hodi hetan premiu ne’ebé prepara hosi komisaun organizadora hanesan Taxa Permanenti no osan $700 dolar amerikanu.

Komisaun organizadora mos prepara Prêmiu ba ekipa sira mak tama iha final futsal Bebora Cup  hanesan Taxa permanenti no osan intrega mós ba ekipa ne’eb’e hetan Segundu,Terseiru no quatru lugar iha kompitisaun ida nee. Torneu nee rasik lao diak durante fulan ida tamba hetan apoiu maioria hosi Joventudi Bebora no hetan mós apoiu hosi Sekretáriu Estadu Joventudi no Desportu,Grupu media Nasionál (GMN),Telkomsel nunemós hosi organizasaun,grupu joventudi no kompania sira mak ezisti iha Bairo Bebora.

Cornelio nudar Sekratariu komisaun organizadora hato’o obrigadu barak ba komunidade Dili laran tamba duranti torneu nee lao laiha problemas ruma mak sira hasoru buat hotu lao diak to ohin loron realiza final futsal tinan ida nee Sekretariu Komisaun organizadora nemós hato’o agradesementu ba SEJD, GMN, Telkomsel nomós kolaborasaun Joventudi Bebora rasik mak fó apoiu masimu ba torneu ida nee, esperansa katak iha oin mai kompitisaun ida nee sei lao nafatin no desafius ne’eb’e mak sira hasoru hanesan fasilidades balun iha Kampu futsal bebora tenki hadia,aumenta Árbitru no pessoal tékniku hodi nune bele hadia kulidade iha torneu sira tuir mai. DedyRocha-GMN.