DÍLI MANAN MEDALHA OSAN MEAN BARAK LIU

Munisipiu Díli mak manan medalha osan mean barak liu kompara ho munisipiu seluk iha Kampionatu Nasional Shorinji Kempo ba dala-VII nebe hala’o iha Zinasiu-Díli.

Durante kompetisaun loron rua, Sábado to’o Domingo semana kotuk, atletas husi Munisipiu Díli hetan medalha osan mean hitu (7), osan mutin tolu (3) no bronze haat (4). Eventu nasional refere involve atleta 100 kompostu husi atleta junior 6 no senior 14, atleta hirak ne’e mai husi Shorinji Kempo ramu lima iha Munisipiu, Baucau, Bobonaro, Ermera, Lautem no Díli. Treinador Shorinji Kempo Munisipiu Díli, Juvanio Luís da Costa, sente orgulho no konsidera vitoria ne’e mai husi esforsu konjuntu. “Ami hetan vitoria tanba esforsu husi ekipa tomak e rezultadu merese tanba antes ne’e halo ona preparasaun máximu,” salienta Nia.Nia hatutan, sei kontinua orienta atleta sira nune’e ba futuru atu mantein rekor. “Ami sei kontinu halo esforu liu husi treina diak liu tan, tanba ami hakarak atu mantein ho taxa rotativa iha Munisipiu Díli,” dehan Nia. Sekretariu Jeral Federasaun Shorinji Kempo Timor-Leste, Macario Floriano Sanchez, sente orgulho tanba durante kompitisaun la iha violencias.     “Federasaun orgulho tebes no konsidera rezultadu núdar extra ordinario, tanba kompetisaun iha  tinan ida kahur entre junior ho senior. Federasaun garantia ona katak eventu nasional tuir mai diak liu no sei involve atleta barak liu,”. dehan Nia. Durante kompetisaun hetan partisipasaun maxímu husi komunidade no eventu refere la’o ho situasaun normal tanba la iha violensia. Ito