FC BASEL MAREK SUCHY REKOÑESE MENCESTER UNITED HANESAN EKIPA FORTE

Kapitaun Ekipa FC BASEL Marek Suchy rekoñese MENCESTER UNITED hanesan ekipa forte hafoin halakon BASEL ho score 3:0 iha jogu abertura Liga kampiaun eropa jornada ida nee.

BASEL rasik pasensia tenki simu derota ida nee  iha abertura jogu (UCL) Liga kampiaun eropa tinan 2017/18 kuarta feira loron 13 setembru, iha Old Trafford fatin Mencester United nian. Golu ne’ebé hatama hosi ekipa uma nain MENCESTER UNITED oferese hosi Maraoune Fellani,Romelu Lukaku no Marcus Rashford.

Bainhira jogu remata, Suchy  hateten katak “ Tuir hau nia hare katak ami nia ekipa iha performance ne’ebe diak, hau hanoin ami ami mos merese atu hatama golu maibe ami failha atu halo ida nee tamba ami sempre iha presaun nia laran”, deklara kapitaun ekipa ne’e ba media sira.

“Sira (MU) hanesan ekipa ne’eb’e forte tebes, ami hatene ida nee, no sira mos iha jogador famosu, tamba nee mak ami labele sai hosi presaun hodi bele domina jogu. Sira hatene oinsa atu hamate ami nia jogu no ita boot sira mós bele hare’e iha golu daruk dahuluk, sira hatene fo presaun mai ami no sira hatene mós oinsa aproveita presaun ne’eb’e ami hetan hodi sira bele hatama golu avontade”.

Hosi derota ne’ebe ekipa BASEL hetan horikalan, BASEL provizoriamente tun kedas ba iha klasifikasaun ikus iha Grupu A no (MU) sae ba klasifikasaun dahuluk. Iha pozisaun daruak no datoluk CSKA tuir kedas ho BENFICA.***