HALAKON SINGAPURA, TIMOR-LESTE FINALIZA IHA KLASIFIKASAUN DATOLUK GRUPO A TAXA AFF SUB-18 TINAN-2017

Timor-Leste U-18 taka jogu klasifikasaun iha Grupu A ho vitoria kontra Singapora ho skore 3-1 iha stadium Thuwunna,Yangon tersa 12-09-2017.

Rezultadu hosi jogu ne’e Timor-Leste hetan uluk oportunidade hosi Sutas ne’eb’e mak halo hosi Ximenes Dos Santos iha minutu 24.  Golu refere lori Timor ukun ho skore 1-0 ba ekipa selesaun Sub 18 Timor-Leste.

Singapura responde kedas ho golu lalais iha minuto 34 hodi muda skore ba 1-1 no pozisaun ba jogu refere sai empata ba ekipa rua. Singapura tenta nafatin ho ataka sira lais hodi amiasa guarda rede Timor-Leste nian maibe tamba Defesa Timor-leste nian solido tebes sira la konsege hatama golu mesmu iha amiasas barak hosi ekipa selesaun sub 18 Singapora.

Iha minuto 38 Ekipa selesaun Timor-leste konsege hatama tan golu 1, golu refere nafatin hatama hosi Ximenes dos Santos. Ho golu nee muda pozisaun jogu ho skore 2-1.

Hafoin intervalu tama fali ba segundu parte ekipa Singapora komesa muda tatika oi’oin atu hodi fó amiasa ba guarda rede Timor-leste nian, maibe tentativa sira nee la konsege hetan golu.

Iha ikus mai ekipa selesaun Nasional Timor-leste aumenta tan golu ida hodi muda pozisaun jogu ba iha skore 3-1. Golu refere oferese hosi Avansadu selesaun nasional Timor-Leste Concição.

Ho skore 3-1 lori Timor-Leste manan iha jogu ikus klasifikasaun grupu A nian. Timor-leste okupa pozisaun datoluk Iha Grupo A kompitisaun AFF Sub 18.

Tabela klasifikasaun ikus kompitisaun AFF U-18