Selesaun Portugal formalmente partisipa COPA MUNDIAL 2018 RÚSSIA.

Selesaun Portugal kualifikadu no passa ba iha COPA MUNDIAL 2018. Rezultadu ida nee selesaun Portugues hetan hafoin manan iha jogu ikus kualifikasaun zona Eropa ne’ebe Portugal manan Suíça ho pontusaun 2-0 iha estádio da luz Portugal. Tersa (10/10/2017) oras Portugal nian.

Mesmu joga iha ninia uma rasik Selesaun Portugal defisil atu domina mesak iha jogu refere, ekipa Suíça hanesan prinsipal concorrente iha grupu (B) zona eropa, hatudu sira nia jogu ne’ebé mak la diferensia ho ekipa Selesaun Portugal.

Maibe iha minutu hat nulu resin ida, defesa Suíça Johan Djourou  halo golu oho a’an, defesa Suíça lakon controlo no nia rasik hatama fali bola ba iha sira nia rede. Ho golu oho a’an nee selesaun Portugal ukun ho pontusaun 1-0.

Iha minuto lima nulu resin hitu, jogadór atacante Selesaun Portugues ninian  Andre Silva halo chutos ne’ebé lakonsege salva hosi guarda rede selesaun Suíça nian.

Ho pontusaun 2-0 to jogu primeiru no segundu parte remata pontusaun lamuda, selesaun Portugal hetan kedas vitoria no billete hodi formalmente ba sira atu partisipa iha Copa Mundial 2018 iha Rússia.

Mesmu hetan derota maibe oportunidade ba Suíça hodi partisipa iha Copa Mundial 2018 nafatin iha ba sira tamba sira tuir kedas Portugal iha kualifikasaun grupu (B) zona Eropa.

cnnindonesi.com