Karketu Díli FC husik jogador na’in 7 iha janela tranferénsia ba jogador

foto:facebook KARKETU DILI FOOTBALL CLUB

Ekipa primeira divizaun Liga Futebol Amadora (LFA) Karketu Díli FC husik jogadór na’in 7 iha janela transferénsia ne’ebé hahú iha loron 31 fulan Dezembru to’o loron 31 fulan Janeiru tinan 2018.

Prezidente klubu Adilson Ribeiro hatete ba époka ida ne’e ekipa Karketu kontinua halo kontratu ba jogadór tuan hamutuk 15 no na’in 7 ekipa fó livre hodi bele hamutuk fali ho ekipa seluk, nune’e mós jogadór estranjeirus parte ekipa husik tanba sira nia kontratu remata ona.

“Iha epoka antes ne’e ami halo negosiasaun ho ekipa Asalam ba nia jogadór na’in rua maibé ba époka ida ne’e ami entrega fila fali, nune’e ba époka ne’e ami husik jogadór na’in hitu no foti fali jogadór foun,” dehan Adilson iha nia fatin, Kuarta 31/01/2018.

Nia dehan tan jogadór na’in 7 ne’ebé husik ona ekipa Karketu hanesan jogador estranjeirus na’in tolu mak hanesan Alan, António no Tinga, jogadór lokál hanesan Kefi, Atarci, Andu, Anas no Valdo maibé to’o oras ne’e parte klubu seidauk hatene jogadór sira ne’e hetan ona klubu ou la’e, mas maioria jogadór tuan nafatin iha ekipa Karketu Díli FC.

Iha loron hirak liu ba mós ekipa Karketu halo tan kontratu ho jogadór defeza Pelágio António Guterres hanesan jogadór ekipa nasionál sub 19 ni’an ne’ebé époka antes reforsa DIT FC. Nune’e mós Karketu halo kontratu ho treinadór baliza nian Julião Monteiro ne’ebé antes ne’e hanesan treinadór baliza ba ekipa Ponta Leste.nes