AS. Ponta Leste – Atl. Ultramar fahe pontu

Associação Sportivo (AS) Ponta Leste ho Atletico (Atl) Ultramar fahe pontu ba malu iha Jornada’2  Primeira Divizaun Liga Futebol Amadora (LFA) época 2018.

Jogu entre AS. Ponta Leste ho Atletico Ultramar iha primeira divizaun LFA fahe pontu ida hanesan hafoin ekipa rua nee hasoru malu iha jornada daruak ne’ebé hala’o iha Kampu Democracia – Díli ho rezultadu um á um (1 á 1).

Jogu ne’ebé lidera husi árbitu Nivio Freitas, iha primeira parte 45 minutus, Atletico Ultramar konsege lidera nebe marka golu  husi jogador Eusebio Pereira wainhira aproveita bola passa husi Bernardo Fereira iha minutu ‘6 nee primeira parte nian.

Iha minutu ’17, jogador estranjeiro Daniel Dongkorh  husi Ghana ne’ebé reforsa AS. Ponta Leste konsege marka golu ida hodi rezulta empata um a um (1 a 1).

To’o jogu kompleta minutu 90, la iha mudansa husi ekipa rua no mantein fahe pontu  hanesan.

Ho resultadu ne’e lori AS. Ponta Leste provizorio lidera tabela klasifikasaun ho pontus 4 husi jogu rua no Atletico Ultramar nafatin okupa iha pozisaun ‘6 ho pontu 1 husi jogu rua. Ito