1º Divizaun LFA époka 2018 Boavista Timor FC lidera tabela klasifikasaun

Foto : Darriel_Valentino

Ekipa Boavista Timor Futebol Clube (FC) lidera tabela klasifikasaun iha primeira divizaun Liga Futebol Amadora (LFA) époka 2018 nian ho pontu 12.

Ekipa klube futebol Boavista Timor rekolla  pontu 12 ne’e hafoin kontra ekipa Atletico Ultramar iha jogu jornada dalima (da-5) ne’ebé  hala’o iha Kinta (17/05), iha Kampu Demokrasia-Díli.

Jogu entre ekipa Atletico Ultramar ho Boavista Timor lidera husi árbitu Joanico Gama. Iha jogu primeira parte, ekipa rua ne’e hala’o kedas kontra-atakes maximu maibe ekipa Boavista Timor domina liu kampu.

Nune’e iha minutu tolu, jogador Henrique pasa bola furak ida  ne’ebé aproveita husi avansadu Edit Savio ho kalma hodi suta ho ain karuk no la konsege salva husi guarda rede Ultramar Ricardo Nunes.

Ho Golu refere provoka tensaun ba avansadu estranjeiru Fabio Cristian ho Bernado De Lima ne’ebé tenta atu marka golu responde maibe la konsege tanba hetan kontrola masimu husi defeza Boavista Timor FC.

Boavista Timor kontinua domina kampu, nune’e kria hamosu oportunidade ba golu daruak nian iha menutu 25 husi meiu kampu João Paulo husi Portugal to’o tempu primeira parte remata.

Durante jogu segunda parte ekipa rua la halo mudansa ba score, maske ekipa Ultramar halo esforsu liu husi atake masimu ba grande area adversariu iha ne’ebé to’o kompleta tempu, Boavista Timor sai manan nain. Enkuantu ekipa Atletico Ultramar okupa pozisaun dalima ho pontu lima.  Ito