TOC iha atu promove TL

Timor Automotive Club (TOC) hanesan clubu ne’ebé kompostu husi sira ne’ebé iha kareta sport nian no dadaun ne’e Timor automotif club iha membru hamutuk 14.

Timor automotif club ne’ebé hari iha tinan ne’e komesa nakloke ona ba públiku liu-liu ba sira ne’ebé iha kareta sport tanba kriteria husi clubu ne’e maka pesoal ne’ebé hakarak involve tenki iha kareta sport.

Prezidente TOC Sanção Gomes hatete Timor automotif club ho objetivu atu dezenvolve setor automotif nian iha nasaun Timor Leste, nu’udar nasaun foun presiza hamoris clubu sira hanesan ne’e atu bele priense dezenvolvimentu iha ita nia rai liu-liu iha área outomotivu nian.

“Ami nia klubu ne’e ami hasai moto ida dehan katak deskobre arte de sidade. Ami mos hakarak hato’o parabens ba partidu ne’ebé manan iha eleisaun antesipada ne’e fiar katak ho governu foun bele dezenvolve klubu foun sira hanesan ne’e,” dehan Sanção Gomes, foin lalais ne’e iha El Legendário.

Nia dehan iha tempu besik Timor Automotive klub sei halo hanesan tour “auto show” ida iha sidade laran atu harame iha sidade laran. Ba sira ne’ebé iha interese hakarak involve-an iha klubu ne’e parte TOC loke odomatan importante tenki iha kareta sport.

Nune’e mós membru husi TOC Antoninho Junior Guteres Ximenes sente orgullu tanba esforsu kolega sira nian bele hari klubu ida ne’e tanba bele fó animasaun ba ema hotu.

“Nu’udar membru ha’u kontente tanba kolega sira ne’ebé iha kareta sport ami konsege halibur malu, fó hanoin ba malu no konsege kria klubu ida ne’e ho nia estrutura,” dehan nia.

Nia dehan karik iha eventu ruma ne’ebé importante no Governu presiza atu fó anima, klubu TOC prontu atu fó apoiu ba kualker aventu.nes