LFA ÉPOKA 2019, SCT PRESIZA JOGADOR KUALIDADE

Treinador Sporting Clube de Timor (SCT), João Fernandes, hateten nia presiza jogadór kualidade hodi reforsa klube ne’e iha Liga Futeból Amadora époka 2019.

João Fernandes, hateten atu hetan bilete hodi hakat ba primeiru divizaun  SCT sei buka jogadór kualidade, hodi reforsa klube SCT iha Liga Futeból Amadora-LFA époka 2019.

João Fernandes informa asuntu ne’e, wainhira akompaiña ekipa Sporting Clube de Timor kontra Aitana FC, jornada 11 nu’udar últimu jogu segunda divizaun LFA époka 2018.

Maski hanoin buka jogadór kualidade maibé treinadór timoroan ne’e mós rekoñese kualidade joga ekpa SCT nian iha époka 2018 ne’e, kompara ho époka rua liu bá (2016 & 2017).

“Ema hotu kuandu akompaña Sporting ninia jogu, grafik ne’e sa’e, iha mudansa pozitivu, tanba am i hadia oituan-oituan husi LFA époka 2016, 2017 no iha époka 2018 ne’e ami nia ekipa nia jogu furak los. Ami sei mantein iha segunda divizaun LFA époka tuir mai (2019), tanba ne’e hau presija jogador ne’ebé ho abilidade diak, nune’e bele atinji mehi katak hetan bilete primeira divizaun iha époka 2020 nian,” hateten treinador Sporting Clube de Timor (SCT), João Fernandes.

Sporting Clube de Timor oras ne’e iha segundu, iha pozisaun tolu ho pontu 20 husi jogu 11 LFA époka 2018. Tanba ne’e Sporting Clube de Timor iha ambisaun maka’as atu hakat primeiru divizaun iha époka tuir mai (2020). Ito