Konstrusaun Estádiu Munisipal seidauk remata, FFTL deside jogu Suzuki Cup uza Estadiu rua iha Thailandia no Malázia

Federasaun Futeból Timor Leste (FFTL), Segunda -feira nee deside hodi uza Estadio rua iha Thailandia no Malázia nian ba jogu Suzuki Cup, tamba konstrusaun Estádiu Munisipal Díli seidauk remata.

Ekipa Timor Leste nebe liu ona kualifikasaun Suzuki Cup nebe tuir orario sei joga  iha loron 9 no loron 17 fulan Novembro tinan ne’e iha estádiu Munisipál Dili maibe labele realiza tanba problema estadiu.

Prezidente Federasaun Futeból Timor Leste (FFTL), Francisco Jeronimo foti kedas solusaun hodi uza fali estadio rua iha Thailandia no Malázia hodi prepara ba jogu Suzuki Cup.

“Ohin hau lori FFTL nia naran hakarak fo hatene ba publik katak lolos jogu home nebe tenki realija iha Timor Leste dala rua iha loron 9 no loron 17 fulan Novembro infelismente labele realiza, tanba razaun rua nebe diside rasik husi AFF, primeiru, tanba kampo nebe seidauk remata, segundu maka ahi nebe seidauk diak”, hatete Prezidente FFTL.

Responsável masimu FFTL nee husu ba publiku no bola mania sira esforsu hotu sira halo ona, maibe prosesu progresu estadiu nebe la iha mudansa, ho ida ne’e maka jogu Suzuki Cup labele realiza iha Timor Leste.

Nia espera katak tinan oin Timor Leste iha jogu internacional sira hanesan kuandu estadio ne’e remata ona.

Francisco Jeronimo hatutan estadio rua nebe Timor Leste uza mak iha Thailandia no Malazia, Thailandia ofrese estadiu gratuita no Malázia Timor tenki selu, maibe la ho kustu nebe bo’ot, maibe sei iha hela prosesu negosiasaun.

Prezidente FFTL mos sente triste, maibe nia rekoñese realidade nebe iha, tanba parte FFTL halo ona negosiasaun ho parte Azia Futebol Federation (AFF), maibe nafatin labele realiza jogu ne’e iha Timor,  tanba problema estadiu.

Prezidente FFTL nee sei halo esforsu atu bola mania sira iha Timor Leste bele asiste liu husi live streaming. Nes