Klubu Orietal realiza eventu Boxing ba komemora 20 de Maio  Ramos Horta husu Governu tau atensaun

Klubu Oriental Boxing realiza eventu Boxing amizade hodi Komemora Loron Restaurasaun independesia 20 de Maio badala 17 iha Ginasio Dili.

Sebastião da Silva, Komisaun Organizadora, hatete eventu boxing ne’e realiza, tanba hetan apoiu husi klubu futeból Boavista Timor hodi Komemora Loron Restaurasaun Independesia badala 17.

“iha eventu ne’e partisipa husi klubu hamutuk10, ekipa hirak ne’e iha Díli laran deit no laiha klubu nebe mai husi Munisipiu, eventu ne’e rasik sei hala’o durante loron 2,” dehan Sebastião da Silva iha GMT, Tersa 20/05/2019.

Iha fatin hanesan Eis Prezidente Republika Jose Ramos Horta husu ba Governu atu fo atensaun seriu ba area Desportu, tanba ne’e Ramos Horta sei informa ba Primeiru Ministru no Ministeriu edukasaun atu fo apoiu ba Boxing no desportu sira seluk.

“Hau sei fo hatene ba Primeiru Ministru no Ministeriu Edukasaun para oinsa fo apoiu tomak ba Boxing inklui desportu sira seluk. Hau mos kontente tebes klubu Boavista nia grupo boxing no fo parabens ba korpu diretivu nebe foin simu pose,” dehan Horta wainhira asiste eventu boxing iha GMT.

Lauiriado Nobel da Paz 96 nee, maske iha difikuldade orsamentu ba desportu, Governu la tau orsamentu nebe diak, maibe ho esforsu tomak klubu Boavista bele realiza eventu ne’e nebe atrai tebes joven sira.

“Pratika desportu mesmu laiha meus maibe desportu importante ba ita nia kakutak laos buat halimar deit maibe se maka pratika desportu nia kakutak diak no la buka problema maibe Governu tenki ajuda no tau osamentu nebe diak tanba importante tebes ba joventude nia formasaun,” termina Ramos Horta. Nes