Vise Prezidente FMCTL konsidera Crosser sira ladún preparadu

Vise Prezidente Federasaun Motorciclismu Timor Leste (FMCTL), Helder Viera, konsidera Croser sira Timor- Leste nian ladun iha preparasaun, maibe konsege hatudu rezultadu nebe diak hodi hasoru  crosser sira husi Jakarta, Bandung no Bali, Indonesia.

“Hau akompaña kedas husi latihan bersama hahu iha loron Sesta to’o Domingo husi motor 1 no motor 2, ita nia croser sira falta preparasaun oituan, maibe ita bele dehan diak, tanba croser nebe sira hasoru kuase mai husi liur hotu, hanesan Bandung, Jakarta, Bali no Surabaya, maibe ita kompara ita nia ho sira diferensia ladun dook”, dehan Helder Viera iha eventu Ultras Vitoria nebe realiza iha Boneana, Kupang, Indonesia.

Helder Viera dehan tan eventu nebe realiza ne’e bo’ot tebes, Kupang mos hanesan sidade nebe sentraliza iha rai klaran, tanba ne’e maka Timor Leste mos partisipa, Bali, Mataram, Jakarta no Surabaya.

“Ita desaraska atu koalia ho Governu atu bele realiza eventu sira hanesan ne’e, husu Governu atu fó apoiu maka’as ba Federasaun para bele halo eventu diak ida hanesan ne’e, tanba Timor mos iha klaran, karik ita mos bele konvida Australia, Indonesia, Singapura, Thailand sira ne’e besik hela” dehan Helder.

Iha fatin henesan Sekretariu Jeral FMCTL Eugen Pereira hatete  husi Federasaun simpre hakarak croser sira tenki hatudu prestasaun nebe diak.

“Ami husi Federasaun sei haka’as an para croser sira bele treino no realiza eventu barak tan, ba eventu ne’e maske atleta sira ladun iha preparasaun maibe konsege lori taxa balun husi eventu ne’e, tanba ne’e maka Federasaun sei haka’as an liu tan para croser sira hotu bele hetan taxa,” dehan nia. Nes

Leave a Reply

Your email address will not be published. Required fields are marked *