GMN TV Diarío Eis jornalista GMN Jojó nia peregrinasaun remata ona iha mundu

Eis jornalista GMN Jojó nia peregrinasaun remata ona iha mundu

4 views

Eis Jornalista Grupo Média Nacional (GMN), João Basílio da Costa “Jojó” nia peregrinasaun iha mundu ne’e remata ona (Mate) iha loron Sesta (16/7/2021), tamba sofre moras kompleksa. Eis Jornalista GMN ne’e hakotu iis iha nia rezidénsia Delta III mais ou menus tuku 12 meiudia Oras Timor-Leste.

Tuir kronolojia ne’ebé konta husi família matebian João Basílio da Costa, katak, matebian iha Kinta kalan ne’e toba nonok iha nia fatin, to’o mai iha Sesta meiudia kuaze tuku 11 resin mos seidauk hadér, nune’e família sira ne’ebé besik ba dere odamatan hodi loke, haree ba matebian toba nonok hela iha nia fatin no nia iis laiha ona.

Membru Rebenta, Javelino da Silva, sente triste tamba lakon nia maun edukadór ida ne’ebé ho laran osan mean, tamba ho matebian “Jojo” nia dedikasaun hodi lori membru Rebenta sira koñese mundu teatru no videógrafu.

“Ha’u nu’udar membru Rebenta iha 2015 mai to’o agora durante iha rebenta susesu ne’ebé ami hetan hanesan membru matebian nu’udar maun ne’ebé motivadór ba ami membru hotu no to’o ikus ami mos susesu iha vida jornalista ,alende jornalista nia lori ami ba konese saida mak mundu teatru no mos hari’I uma akumula oan kiak sira ne’ebé lokaliza iha Akanuno ne’ebá ,durante ami hamutuk ho maun Jojo tau matan ba ema oan kiak sira hotu ,tamba ne’e hau nu’udar membru rebenta sente triste no lakon bo’ot ami nia maun laran osan mean” Membru Rebenta, Javelino da Silva, konta tuir.

Iha fatin hanesan nu’udar kolega ativu, Rosa Garsia, sente triste banhira rona novidade ne’ebé akontese ba nia kolega katak,”Jojo” laiha ona.

Rosa Garsia, esplika, antes nia hakotu iis, loron 3 tutuir malu sira nain rua hasoru malu, hodi konversa kona-ba atividade negósiu no servisu nian, alende planu balu oinsa atu eduka membru sira sai profisional liutan iha aprezentasaun teatru.

“Kolega diak ho matebian “Jojo” Rosa Garsia trsite ho matan been turuk katak, “Jojo” Kinta traktir hau ba han  hola batar hau han,ami rua koversa koalia halimar,tamba saida mak? Nia hatudu nia mate hanesan ne’e”,dehan Rosa Garcia.

Matebian João Basílio da Costa, hahú hala’o servisu iha JNDiário no JNSemanário nu’udar jornalista no editór iha tinan 2005 to’o 2011.

Matebian João Basílio da Costa, moris iha Postu Administrativu Laga, Munisípiu Baucau, iha loron 1, fulan Janeiru, tinan 1982.

Matebian nu’udar oan ikun husi nia maun alin nain 6, kompostu husi mane 4 no feto 2, matebian husik hela nia fén Clara Ximenes ho nia oan feto nain 1. Tuir planu, família sira sei lori mate-isin ba halót iha Baucau.Tos


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker