GMN TV Diarío Fotógrafu senior Sam hakotu iis iha kuartu-laran

Fotógrafu senior Sam hakotu iis iha kuartu-laran

4 views

Eis korespondente Fotógrafu husi Ajénsia Notisioza Amerikanu  nian Associated  Press (AP),  Guido Martins  ‘Sam’ hakotu iis iha nia uma kuartu-laran, Aldeia Haburas, Suku Bairu-Pite.

Komunidade Aldeia Haburas iha  Segunda (12/07/2021) mais ou menus tuku 10 kalan, hakfodak bainhira haree eis fotógrafu  Ajénsia Notisioza Amerikanu   nian  husi Associated  Press (AP) Guido Martins  ‘Sam’ ne’ebé mak  mate iha uma ida ne’ebé mak nia hela mesak ba iha  Aldeia Haburas.

Nune’e iha Tersa (13/07/2021), ekipa pilár III,   husi Sentru Integradu Jestaun Krize, ba iha fatin akontesimentu foti ona sampel ba matebian hodi bele hatene   Sam  ninia mate  ho pozetivu COVID-19 ka lae.

Celestino  Ramos, nu’udar abitante  Aldeia Haburas, hateten, durante ne’e Sam diak no halo hela komunikasaun ho viziñu sira, maibé iha Segunda  (12/07/2021)  iha tempu kalan komunidade sira hakfodak haree Sam nia isin-mate.

 “Komesa horikalan mak iis maka’as  ami hanoin busa no laho ruma mak mate, depois labarik sira ba iha  Sam nia uma hodi bolu-bolu la hatán, nune’e ha’u haruka Polísia mai haree iha uma-laran haree nia mate. Iha Sesta ne’e parte lorokraik nia sei la’o hela, iha fali Sábadu dader ami  la haree, Domingu no Segunda loron mós ami la haree, ami hanoin katak nia  ba  tiha iha fatin seluk, maibé  nia  motorizada para hela iha uma”,dehan Celestino de Ramos.

Iha fatin hanesan, Maximilano Filipe, nu’udar mane-foun hateten, antes ne’e iha tinan 2019, hela hamutuk  ho Sam, iha Aldeia Haburas, maibé tanba COVID-19,  Sam haruka Maximilano Filipe fila-fali ba  nia moris fatin iha Loes. Nune’e iha Kinta  (01/07/2021), Maximilano sei kontakta hela  Sam via telefone, maibé iha Segunda  (12/07/2021)  simu fali informasaun dehan, Sam hakotu ona iis.

“Ha’u duni mak telefone, ha’u husu  Pai agora dadauk ami bele ba ka lae? maibé hatán, imi labele mai lai, tanba  imi seidauk swab test, entaun imi labele mai lai  seidauk, entaun  nune’e ami halo tuir, maibé horikalan ami simu fali informasaun dehan mate ona”,dehan Maximilano Filipe.

Iha fatin hanesan, jornalista senior Suara Timor Lorosa’e (STL), Mikael Mali-Mau, hateten, Sam nu’udar sidadaun Indonézia, maibé hela kleur ona iha Timor-Leste, durante okupasaun Indonézia to’o agora.

Alende  ne’e, Sam mós fó kontribuisaun fotografia ba iha instituisaun media Suara Timor Timur iha tempu Indonézia  to’o ukun-an transforma ba Suara Timor Lorosa’e.

“Nia ema ne’ebé hala’o kna’ar hanesan iha vida jornalizmu,  iha tempu Indonézia nia hola parte mós iha Suara Timor Timur, hanesan fotógrafu, depois nia kna’ar ida diak liu mak iha 1999, depois iha konsulta popular, antes no depois nia servisu iha ajensia internasionál AP, ninia foto domina iha mundu”,Mikael Mali-Mau.

Mikael Mali-Mau dehan, Sam ninia hanesan senior Fotógrafu. “Momentu ne’ebá katuas Longuinhos Ministru uza nia, depois to’o katuas Xanana, depois iha tinan hirak liu ba pameran iha Tasi-Tolu. Ninia foto akontesimentu sira akontese iha tempu Indonézia mos barak”,dehan Mikael Mali-Mau.

Tuir observasaun GMN iha terrenu, maske família matebian  husi Sam nian to’o iha fatin akontesimentu, maibé la konsege haree Sam nia oin, tanba iha portaun, dada ona Police line no hetan seguransa  husi PNTL.avi


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker